金田日式放題 (已結業)

一行五人第一次到此日式放题，环境唔错，坐位亦都唔算窄，颇舒服。刺身：种类颇多，新鲜而且都算厚切，对于我主攻刺身的，满意。章红及吞拿都有中等水准，始终系放题，OK啦，相比其他的放题餐厅算好水准。熟食方面：推介串烧牛舌(够香)、羊鞍(少少苏，有羊味)、西冷牛粒(半生熟)、薄烧牛肉、烧三文鱼头、芝士年糕(软滑有芝士香，不过我觉得唔用炸方式，用火轻轻在外面咯烧，更好味亦唔会太油)、焗带子薯蓉(全粒带子，薯蓉够味)。当晚所点的好多好多，大部份都唔错，不能尽介绍。唯独在服务方面，起初会主动加茶，不过后期可能枱数开始多，就需要求救加水。不过都可以谅解的。但系有少少唔好的，系当Order到第三次的时候，唔知道系咪漏单，往往啲单都系漏上，只出部份，感觉上系留起啲单，唔翻单。需要追追追......追追追......。总括来说，价钱中等，食物水准OK，都会再返去一试。