金田日式放題 (已結業)

朋友生日飯話想食放題，結果就book咗呢度記得好多年前黎過，裝修比較舊，原來呢度之前裝修過，所以所有嘢都新淨左好多放題都係主攻刺身，喜出望外刺身款式算好多，亦都好新鮮，但我哋見到隔離枱D海膽好新鮮,結果都忍唔住加錢叫咗一板海膽，食落口感覺好新鮮，份量亦都好多，所以結果食咗兩板食完刺身其實都已經半飽，但整體我覺得佢嘅炸物其實都算做得唔錯，尤其是天婦羅同炸蠔，佢嘅炸漿唔算太厚，亦都唔會太油膩，比出邊好多放題都做得好，整體感覺不錯

經過尖沙咀，唔知食咩好，用open rice search 附近餐廳，就咁中伏。刺身- 魚有筋有冰水味，蝦似蝦米，連北寄貝赤貝都有怪味軍艦- 紫菜好un 呑唔到天婦羅- 大陸南瓜冇味粟米粒- 衰過自己開罐頭燒菠蘿- 聞落有魚腥味，切得好薄，好熱嘅，因為好明顯係用微波爐叮燒雞軟骨- 濕嘅，唔脆唔香枝豆- 烚到死曬，好林，冇豆味Order 紙冇燒雞翼，亦冇任何雞翼只有燒多春魚係原味，即原來多春魚的味，冇香到，冇喊到，冇淡到。Hkd413 兩個人，唔飽，唔開心，唔想再叫野食，即走！

而家啲放題閒閒地都三佰幾蚊, 仲要唔知好好食, 見金田而家仲係三佰內, 咁今晚去咗試下金田。雖然openrice 都有啲劣評, 但我食過呢間以前灣仔店, 我對呢間嘢都有信心。入到萬事昌廣場, 都有啲擔心, 因而個環境真係幾舊下, 但係黎到都係上去睇下先啦......上到去感覺都係舊舊地  入到去間嘢原來都幾細下, 枱唔多亦都迫迫地所以我諗呢個都係Walk-in 有位原因放題價錢價錢已經包咗飲品 , 有汽水及韓國啤, 位位$238加一限食2個鐘環境方面, 講咗咁耐都話係一般, 加上樓底唔高, 枱枱都講嘢都有少少嘈侍應大部份都唔太有笑容, 但收碟都幾快, 另外無水供應, 要飲嘢就要叫嘢飲食物都幾新鮮, 唔會有入唔到口, 係啲羊排比較肥

下晝悶悶地，食下新野！呢間係樓上鋪，見到樓下有餐牌，日本定食多，刺身、熟食、鍋類都有！而我今次已經係第n次黎，都係食廚師推介'蒜片牛肉粒定食'👍前菜：味噌湯+芝麻醬紅豆沙律，主菜牛肉粒唔靭 、蒜片炸得好味、份量剛剛好，仲有野飲！

因為情人節好多餐廳都full booking,見到金田有位, 就用app book咗七點半。點知打黎話得番六點/八點半，唔緊要 ，我揀食早啲食六點。去到叫咗嘢食，起碼等十五分鐘先開始有嘢食。講緊嗰陣仲要唔旺，算!刺身正常嘅,叫串燒黎到凍嘅,叫羊架un到咬唔到,叫烏冬叫兩次，兩次都漏單。食物麻麻之餘，最嬲嘅係成肚氣!!!我埋單嗰陣,侍應找少二百,同侍應講番,佢攞張一百放低就走。走出去同收銀講，佢同我講全場埋緊單，佢好忙，叫我等等。等唔係問題，但語氣真係好差!!你忙得黎又做錯嘢,唔講有冇效率，連禮貌都冇!!俾多張一百我,同我講:而家岩啦?我真係以為自己係乞衣😂😂😂我有俾加一,結果食到成肚氣!!!大家如果鍾意食劣食加受氣,歡迎去幫襯😂😂😂

玫瑰花、百合花、滿天星等各有媚態，所以百花齊放時，誰不喜愛？就好像食放題時，有刺身、壽司、天婦羅等各具特色，所以珍饈百味，誰能抗拒？非常大的客廳，當中還置有一個特大螢幕，保證每位食客都一定睇到，還播映着“無心法師“，那帥氣的模樣用來“加餸“伴飯果然正！金田價錢尚算相宜，人勻200元左右。而且款式ok多，雖然我食來食去其實得幾款。先來點刺身和壽司是指定動作，三文魚刺身夠肥美，油脂豐富近腩位，不錯不錯！可惜甜蝦刺身是迷你品種，5隻可以一口吃掉那種size,就有點不夠喉之感，還好是夠甜。壽司只輕輕淺嘗了蝦壽司和火炙三文魚壽司，質素挺好，起碼好過食迴轉壽司那些吧！因為壽司帶飯，放題要留肚試多點其他款嘛！雖然我不想食飯，但是海胆只是得手卷，也只好又點了。還好海胆顆粒清晰，尚算新鮮，甘甜恰到好處，也不枉我把其餘的飯都吞了！平時我媽多數只食海胆部分，將吃飯的工作都交給男士們，可惜今晚都是女生。想來點輕盈些，可考慮日式蒸蛋，一來細細杯容易吃，而且材料豐富，內裡還有冬菇蟹柳等，加上蛋夠滑，而且蛋味濃郁，是大人和小朋友都會喜愛喇。天婦羅都炸得唔錯，粉醬夠薄，食材清晰可見，而且不會油膩膩的，尤其是吸油度達1

我與友人食飯, 定期也會去食放題, 貪佢不用腍, 各人可以因應自己的喜愛而選擇食品, 今次去了位於尖沙咀的金田日式放題食晚餐.一入到店內, 俾我第一個感覺是座位與座位之間夠寬闊, 坐得夠舒服, 不用同隔離枱的客人太接近.枱上已放了點食品的單張, 種類也幾多. 若想任飲, 就每位另外加$12.我先點了日式蒸蛋.蒸蛋夠滑身, 內裡也有不少材料, 如蟹柳和蝦粒, 多了一份口感.再點了手卷, 包括鰻魚手卷和軟瞉蟹手卷.一送上來, 我就第一時間食, 避免紫菜腍咗. 入口紫菜夠脆, 飯軟硬度適中, 帶微微黏性, 是我愛食的口感. 軟瞉蟹都算脆口, 鰻魚調教的味道不錯, 若饀能夠多一點, 口感更為豐富.再來清酒煮蜆.酒味不會太勁, 只有香味, 好啱我的口味.而蜆肉也算夠彈牙, 最重要是算乾淨, 食的時候無沙.牛油野菌帆立貝.估不到份量都幾多, 而且用鐵板上枱, 食的時候仍然保持熱度.帆立貝不會太乾, 夠多汁. 入口時仲有淡淡的牛油香味. 而野菌吸收晒牛油和帆立貝的精華, 所以夠晒味道.來食放題, 炸物也是不少得.一口氣點了芝士年糕, 泰式脆香雞翼, 一口芝士魚餅, 年榚魚餅和吉列廣島蠔.當中最鍾意食

作為一位出色的「無飯主婦」，有時為了食也會非常傷腦筋的，不是為了今晚買什麼餸而傷腦筋，而是考慮今晚吃什麼而煩惱... 剛剛的周六，於三色台看了日劇金田一一，年輕時，BeautySearch 甚為喜歡看這推理漫畫，雖然這次是真人版，依然感到有趣。最有趣的是，事有湊巧，途經尖沙咀寶勒巷時，又看到一間名為「金田」的店子，既然還未決定今晚何去何從，於是便決定一試。位於尖沙咀區美食林立的『金田』，主打時下最受歡迎的餐飲模式『日式放題』，港人喜愛日式食物，當然不用多說，而放題餐廳最可貴之處是食物種類選擇豐富，雖不及自助餐豐富，但勝在可安坐便可品嘗美食，不必排長龍取美食之餘，更是無限添食。BeautySearch 不是大胃王，卻喜歡品嚐不同的食物，『金田日式放題』擁有過百種美食，當然吸引！和一般日式放題餐廳相同，金田同樣把美食分為不同類型，包括有一品料理、 刺身、軍艦/卷物、壽司、天婦羅、手卷/沙律、鐵板燒、炸物、沙律/冷盤和飲品。選擇種類多且十分清晰，雖然很多都很吸引，但是肚仔容量有限，只可以點選個人喜好。相信『金田日式放題』在這裡也有相當日子，所以，沒有簇新或時尚的設計，卻多了一份熟悉的感覺..

長老們喜歡食日式放題因為他們喜歡吃三文魚刺身在沒有訂位的情況下尖沙咀只有金田有位所以沒有太多的考慮直接沖上金田價錢唔貴侍應服務態度尚可以第一時間點刺身最鍾意食甜蝦其次就係希靈魚刺身上菜時間比較慢我哋都食咗兩個round 不過感覺唔係太新鮮跟住嘅熱嘢食要咗個芝士焗生蠔壽司就係十分普通質素鰻魚壽司幾好味差不多再叫啲沙律仲有長老最愛嘅海膽手卷海膽好腥反而老人家最愛關東煮簡單得來蘿蔔幾好味

應承過友人我找到工就會請他吃放題，待業休息了一個月，期間見了7，8份工，總理覓到，更是有2個offer,今次以前景為長線考慮，選了份人工低1/4 但學到新智識的，簽了約在上班前要履行承諾。因未上班沒人工手頭緊，找來性價比高的放題。聰明的先點上刺身吧！ 大大盤很凍很鮮，總共吃了兩大盤，甜蝦同吞拿魚食得很快樂。熟食方面就以蔬菜為主，首輪只吃刺身考慮到健康，把肉類放在腦後吧！田園及鮮茄沙律，和風青瓜沙律，一口氣吃下，唔想太多肉人仕福音，只要蔬菜新鮮加醬汁，沒有不好吃的理由。青瓜沙律酸酸好味，加了胡麻醬的沙律亦見清新。七味牛蒡絲原來落了七味粉，幼細刮成一絲絲很爽利，入味兼且有七味粉香辣。沒原隻粟米，粟米粒粒燒也可，牛油味很重粟米粒夠甜。翠玉瓜一直都愛吃，燒兩下不出水仍是爽身口感，我一吃就是兩三串起。免治雞肉棒添了軟骨，肉打得綿身掃上燒汁已甚是可口。泡菜海鮮豆腐湯，蔬菜超多健康，唔算太辣。炸物中芝士年糕軟腍粉糯， 大大塊很飽。燒菠蘿通常貪其幫助消化，那管胃已填滿了食物，也可照吃不誤的飯後果。飲品 有lemon cc，其實加12元任飲好抵每人平均消費$240(已連加一)上菜比較慢, 但會幫你跟OR

 因今次朋友聚會要就朋友放工嚟得方便，所以特意揀選尖沙咀為聚餐地點，經朋友介紹之下最後揀咗尖沙咀寶勒巷萬事達廣場呢間金田日式放題，見個價錢合理同就近地鐵站，交通非常方便，所以決定一試。上到去門口放著晚市任食放題時段價錢, 但時間尚早,  五時四十分已到, 還未準備晚市 。地方裝修得很舒適簡潔，大廳兩旁設有卡座，另有普通雅座，廳中還放有一個大電視機以供客人欣賞電視節目。 每張卡座檯牆壁上都會掛上不同的掛畫裝飾，招財猫很趣緻可愛。任食放題選擇跟其他食店不大分別，同樣任點任食，新鮮即叫即製，另加＄12可任飲汽水、啤酒，唯獨欠甜品任食，個人就無所謂，呢到主食夠好已很滿足。食放題，唔少得都會揀啲壽司，呢到啲軍艦同卷物都幾好，人氣就有芥辣八爪魚軍艦。手握壽司更離不開放題必選，壽司size不會過大或過細，壽司飯又夠軟綿，特別推介火焰三文魚同火焰比目魚壽司， 因魚肉火焰後魚油溢滿甘香，入口即化，非常美味。剌身種類都不少，我地點了油金魚、三文魚、鯛魚、吞拿魚、八爪魚、象拔蚌、海螺、甜蝦。油金魚很新鮮，味道鮮美，魚油甘香。吞拿魚肉質較為堅硬，味道清淡，油脂甘香，是個人最喜愛。串燒有豬頸肉、牛肋肉、冬菇、免

朋友介紹話呢度環境好又多野食揀，book左枱黎食下，入左起計兩個鐘，唔係分時段，咁又幾好喎，幾點開始食都得。好肚餓，唔理咁多咩都叫下先，又真係幾多野揀喎，壽司、刺身、手卷、軍艦、天婦羅、鍋物、燒物、串燒、炸物、沙律等等，加十二蚊仲可以飲品任飲。先黎刺身，賣相靚喎，梗係要叫香港人至愛嘅三文魚啦，肥美新鮮又厚切，仲有油甘魚，鯛魚，吞拿魚等，樣樣都新鮮，唔點wasabi都唔會腥架。仲點左壽司、軍艦、卷物、手卷，飯帶少少醋味唔錯喎，當中火焰三文魚、比目魚最正，入口溶化。日式燉蛋好滑，食落有菇味鮮味，比起元x板x好味好多。蒜香一口腸，甜甜地帶蒜香，encore！芝麻雞翼，炸得唔乾身喎，仲帶芝麻香添。甘蝦腐皮卷，炸釀蟹鉗，燒三文魚頭，肉嫩香口又肥美。雞軟骨餃子棒，煎得香口又唔油，雞軟骨有口感。黑椒煙鴨胸，略鹹。大阪燒餅，薄薄一片，食落似蔥油餅多過燒餅，味道都幾好的。另外仲有串燒，叫左翠玉瓜，冬菇，牛肋肉，牛舌，雞軟骨，串串都好味，至愛翠玉瓜同冬菇！胡麻牛舌，厚切唔韌，但唔辣嘅？蒜片牛柳粒，牛味濃，一口牛油正呀。醬汁豬軟骨，入味又夠淋，好味。粟米粒粒燒，超甜粟，好甜好味。忌廉粟米焗蠔，encore！

本來打算去元氣食平價壽司, 我係cheap人一個, cheap人計cheap數, 兩位, 也要三百, 不如食平價放題, 每人多付數十元, 便刺身、壽司、燒、炸、煎、煮、甜一應俱全, C9的思考方法, 你唔會明的了....哈哈...近年的日式放題, 水準差極有限, 還記得十多廿年前, 香港初初開始有日式放題, 質素參差得緊要, 隨市場的成熟和汰弱留強, 好的留低, 差的消失. 還記得半年前去過此大廈的一樓: 漁屋, 今次來到, 已經消失, 幸好, 三樓還有一間, 不致白行一敞.六時前到達, 人不多, 不需等位, 早場只是$206/一位. 每次去元氣食壽司, 啤酒加刺身, 每位差不多也要百五元, 這裡只需多付七十元, 吃得暢快好多好多.... 這裡的入單紙, 用膠架層層分開來放, 免卻了一整疊, 揭來揭去, 也算方便了少許...近來全城放題食肆, 都供應的cheap cheap 韓啤: d-Dry. 金巴利街的韓國餐廳都有供應, 但一罐價錢, 起碼收$25-$30, 這裡任飲, 今晚只飲了三罐, 也夠付多那七十元差價吧, 睇怕韓式餐廳也要換一換啤酒牌子了.先吃刺身是常識吧, 睇相, 又知我

今日同朋友行經尖沙咀寶勒巷， 有個姐姐派宣傳單張，金田日式放題 ~ 見個價錢幾抵食同埋呢間餐廳之前聽過口啤好似吾錯，就決定同朋友試試;上到去，座位算是寬敞， 無橷背撞橷背的情況，第一個印象吾錯。劃紙仔叫嘢食 ~ 第1 round 緊係刺身啦，紙仔上話人氣嘅食物: 油甘魚、三文魚，和推介的象拔蚌，都走吾甩 再加上我致愛有: 鲷魚、吞拿魚、海螺、馬刀貝和甜蝦都在筆下一揮。刺身三文魚沙律D汁好特別，有點甜甜酸酸的味道相當醒胃。軍艦系列中的芥辣八爪魚軍艦、都是超水準之作，果然比到驚喜。花酒煮蜆好清香酒味，但略為淡口咗少少！這個炒雜菜都好野味不過D油就多咗D！跟住是一連串熟食、值得讚嘅仲有: 牛油野菌帆立貝，一份都有好多隻帆立貝，超正！同日式汁煮牛肉鍋~都好好味。仲有軟殼蟹牛油果反卷、海膽手卷、 吞拿魚腩手卷，可不訪一試。最後食埋芝土焗蠔，香就夠香但不夠厚肉再飲咪樂天芒果汁，要封口了，肚子也脹了一個碼了！

今次同事聚會又要甲時間地點，坐得舒服價錢合理，係好多情況之下最後選擇左金田。因為交通便利，時間和價錢都問過適合我地，因而我地一行6人去金田。入到去都爆晒坐滿人，我地2話不說就拿起紙筆係度畫野食，野食都其實成餐飯都好快同來齊。野飲都叫多選擇有汽水，茶和啤酒選。但甜品只有最後每人一粒雪米糍。刺身都新鮮正常，如果有張保鮮紙係底更好。手卷份量細細可以口中女多件黎食。羊架吾好食。又硬又沒有味道。蜆正常有少少酒味吾錯。炸物都可以，炸得熱又吾太油。雞軟骨好味道，又熱又脆口。牛肉鍋吾好食，牛肉太鞋，又大塊。湯偏甜，菜同豆腐好味道。沙律好一般，食一次就夠。粟米粒好香牛油味，好味道。燒菠蘿吾好食，又似沒有燒過咁，又吾甜。唉....牛舌串燒正常味道，有牛味而夠熱。最後每人2粒雪米糍做總結，都飽飽地離開。