影片
更多
2014-11-25
5951 浏览
大概半年前嚟过上海婆婆336食饭，由于菜式带点新派，又做得有水准，所以，对该餐印象唔错，记忆犹新。从杂志知道佢哋出咗啲蟹粉菜式，就揾埋几个朋友一齐试吓，初次邂逅佢嘅蟹粉菜式，唔知水准又如何呢？「上海婆婆336」跟「上海婆婆」有咩关系？336又点解呢？环境、菜式类别……依啲晌上次食评都介绍过，所以，都唔多费唇舌。虽然，听讲尖沙咀食肆嘅生意差咗，不过，仍有不少食店嘅生意不俗，就好似今晚所见，婆婆嘅生意认真唔错，睇落估计都有九乘几满，当然都仲要睇人均消费额先准，食肆就最怕旺丁唔旺财，可是作为食客，人哋嘅生意额就难知啲喇。既然一心嚟食蟹粉菜，自不然聚焦晌个创意蟹粉系列餐牌上，由于我哋唔咩蟹粉狂热份子，而且，有啲上次试过嘅心水冷盘又想介绍俾朋友，所以，众多蟹粉菜中我哋只点选咗其中两款。此外，再按大家喜好加啲富特色嘅菜式，样样有啲，就成为今晚聚餐嘅选择。四小拼（脆鳝、小排骨、烤麸、肴肉）$95之前试过佢嘅脆鳝，超正，正想介绍俾朋友，朋友就心多多不如拣个四小拼，因为一次过试到多几款冷菜。黑掹掹嘅脆鳝依然脆卜卜，沉厚酸香；小排骨喺几款冷菜中较平实啲，肉质倒算做得松化；烤麸软软绵绵，索满酱油；肴肉晶莹的
「上海婆婆336」跟「上海婆婆」有咩关系？336又点解呢？环境、菜式类别……依啲晌上次食评都介绍过，所以，都唔多费唇舌。虽然，听讲尖沙咀食肆嘅生意差咗，不过，仍有不少食店嘅生意不俗，就好似今晚所见，婆婆嘅生意认真唔错，睇落估计都有九乘几满，当然都仲要睇人均消费额先准，食肆就最怕旺丁唔旺财，可是作为食客，人哋嘅生意额就难知啲喇。
既然一心嚟食蟹粉菜，自不然聚焦晌个创意蟹粉系列餐牌上，由于我哋唔咩蟹粉狂热份子，而且，有啲上次试过嘅心水冷盘又想介绍俾朋友，所以，众多蟹粉菜中我哋只点选咗其中两款。此外，再按大家喜好加啲富特色嘅菜式，样样有啲，就成为今晚聚餐嘅选择。四小拼（脆鳝、小排骨、烤麸、肴肉）$95
之前试过佢嘅脆鳝，超正，正想介绍俾朋友，朋友就心多多不如拣个四小拼，因为一次过试到多几款冷菜。黑掹掹嘅脆鳝依然脆卜卜，沉厚酸香；小排骨喺几款冷菜中较平实啲，肉质倒算做得松化；烤麸软软绵绵，索满酱油；肴肉晶莹的骰，猪肉冻做得有咬口，但感觉蹄肉偏少。
鱼籽烟熏蛋 $18只依个烟熏蛋喺重点推介俾朋友，卖相诱人，金黄蛋黄半凝半黏，而蛋香浓郁，溏心效果出众，一小撮黑鱼籽更能提升熏蛋嘅味道层次，朋友都赞佢好食又有卖点。
创意蟹粉系列今次上海婆婆推出咗10道蟹粉菜，都算几多种类，有包点、小菜，连饭面都有。
蟹粉生煎包 $82今次无拣小笼包，反而对个蟹粉生煎包兴趣大啲。一客有3个，个个饱满大只，包底煎得甘香松脆，内里猪肉加埋蟹粉，搓得松化唔死实，入口丝丝蟹肉，用料十足。
蟹粉炒粉皮 $102 蟹粉生煎包做得有啲意外惊喜，不过，个蟹粉炒粉皮就差少少，虽然都落足蟹粉、蟹膏，可能做蟹粉个茨汁太多，捞埋啲粉皮有种湿漉漉嘅感觉，粉皮亦未见爽身，相信可以做得更好。
干烧虾球 $128上次试过一道咸香虾球，以咸蛋黄炒鲜虾球，实在好食，不过，朋友都怕胆固醇超标，所以改选干烧虾球。鲜虾球依然具质素，既大只，又鲜爽，配一个酸辣酱汁，少辣微酸，入口挺开胃，的确叫人回味。
松子黄鱼 $168唔知点鲜，好多朋友上上海馆子都喜欢叫依道菜，小弟觉得喺钟意其卖相好睇。一片橙红嘅黄鱼，鎅花唔算好分明，但做到外酥鱼嫩，茨汁甜酸细致，仍有上次食到嘅水准，唔会有咩大起大落。
腿茸津白 $65清清淡淡嚟一道腿茸津白，比起奶油津白无咁重味，但以上汤灼煮，兼糁上碎碎嘅金华火腿，清淡中不失一点咸香。
女生果然有两个胃，之前仲讲话够喇够喇，饱晒喇，要由小弟包底，估唔到转头一口气点4款甜品都面不改容。豆沙窝饼 $45
老牌上海菜甜品之一，一份可以切开8件，饼皮炸得金黄香脆，无多余油份，内里薄薄一层豆沙，饼面仲加咗少少椰丝，清甜好食。
香蕉高力豆沙 $45 / 4件高力豆沙做得软绵绵，一口咬落非常柔软，伴随豆沙及香蕉肉，少甜清香，滋味非常，不过，今次明显得好少豆沙，否则味道更绵香。
南瓜饼 $40 / 4件依个喺小弟「飞弗」，因为南瓜饼软绵烟糯，宁舍有咬口，而且，佢哋做嘅南瓜饼又唔黏牙，淡淡南瓜味，衬豆沙，唔错！不过，事后先有为意，对上3个甜品都喺豆沙馅，实在有啲重复嘅感觉。
酒酿丸子 $28咁多款上海甜品中，以酒酿丸子相对无咁大兴趣，可能一向都酒嘅兴趣都唔大，不过，你叫到嚟，我又绝对唔会错过。丸子烟韧香糯，甜汤带有淡淡桂花甜香，又有淡雅嘅酒味，但不知何解，汤内有少少熟唔透嘅丸子，要扣分啊！
茶位收$6位，连埋收加一，每人大概$200，都算合理。今次点菜比上次不遑多让，食得大家称心满足，虽然其中一道蟹粉炒粉皮未如理想，佐其他菜式仍保持水准，故此，相信仍会有再见「婆婆」嘅机会。
张贴
