公和荳品廠

营业中

休息中

今日下午我们去咗深水埗北河街，见到有超多间食店都好吸引之下，我们决定食完一间再食另一间！我们首先拣咗间有多年历史嘅「公和豆品厂」！我们叫咗煎酿豆腐、炸豆腐卜、豆腐花、冻豆浆同豉油皇炒面！煎酿豆腐嘅面层煎得好香脆，鱼肉虽然比较薄身，但肉质都几弹牙，豆腐就相当嫩滑！炸豆腐卜炸得超外脆内软，加埋甜酱同辣酱一齐食，令到味道更加惹味，而且唔会好油腻！豆腐花极之滑溜，豆味非常香浓！冻豆浆喺夏日炎炎之下饮，真系相当透心凉，味道好香甜！豉油皇炒面系众多食物之中令我们相当失望，味道淡而无味，面质亦非常粗「嚡」！