影片
更多
2020-12-04
2345 浏览
等咗成个星期，终于到星期五。因为疫情关系，冇得出街食好嘢……今日真系做到傻咗，成个人虚脱。于是，我喺外卖Apps上边，打咗我最想食嘅食物——心太软，揾到呢间餐厅。我order左焗法国黄春鸡伴蔬菜，同埋一个心太软。讲真价钱都唔平，其实如果比着平时我真系未必会拣呢间外卖。不过我今日实在太想食心太软，你附近亦都冇乜选择，估唔到拣咗一间咁有惊喜嘅餐厅。外卖到咗，首先佢哋好有心机咁喺纸盒外面包多咗一层保鲜纸。呢样野我系欣赏嘅。因为疫情关系，呢排做多咗外卖，试过好多次食物到咗屋企，出现渗漏情况。打开咗个纸盒已经见到只春鸡瞓喺度，估唔到细细只春鸡都整得咁嫩滑，而且以外卖来讲质素真系唔错。我确实食得好开心，不过份量真系唔多。咁我都明白叫得春鸡梗系细细只嘅，但系如果可以俾多少少菜就更好啦。跟住到个心太软。估唔到咁有质素！其实我成日都食心太软，心情好同心情唔好都会食。佢呢个心太软系自己做嘅，个甜度控制得刚刚好。我自己系屋企加多左一个雪糕，一啖雪糕一啖心太软个感觉实在太正。可以系屋企食到一间咁有质素嘅西餐厅，真系好开心。下次有机会真系要去间餐厅到现场食。我见到其他食评，个蟹饼好吸引，下次一定要去试！
因为疫情关系，冇得出街食好嘢……
今日真系做到傻咗，成个人虚脱。于是，我喺外卖Apps上边，打咗我最想食嘅食物——心太软，揾到呢间餐厅。
我order左焗法国黄春鸡伴蔬菜，同埋一个心太软。
讲真价钱都唔平，其实如果比着平时我真系未必会拣呢间外卖。不过我今日实在太想食心太软，你附近亦都冇乜选择，估唔到拣咗一间咁有惊喜嘅餐厅。
外卖到咗，首先佢哋好有心机咁喺纸盒外面包多咗一层保鲜纸。呢样野我系欣赏嘅。因为疫情关系，呢排做多咗外卖，试过好多次食物到咗屋企，出现渗漏情况。
打开咗个纸盒已经见到只春鸡瞓喺度，估唔到细细只春鸡都整得咁嫩滑，而且以外卖来讲质素真系唔错。我确实食得好开心，不过份量真系唔多。咁我都明白叫得春鸡梗系细细只嘅，但系如果可以俾多少少菜就更好啦。
跟住到个心太软。估唔到咁有质素！其实我成日都食心太软，心情好同心情唔好都会食。佢呢个心太软系自己做嘅，个甜度控制得刚刚好。我自己系屋企加多左一个雪糕，一啖雪糕一啖心太软个感觉实在太正。
可以系屋企食到一间咁有质素嘅西餐厅，真系好开心。下次有机会真系要去间餐厅到现场食。我见到其他食评，个蟹饼好吸引，下次一定要去试！
张贴