KaS Simply Deli

营业中

休息中

試過一次後，已數次約朋友來午餐，由於枱的數目不多，最好是訂枱才確定有位。餐牌選擇頗多，隨自己喜愛下單，今次叫了羊架配薯蓉及豬鞍架配野米飯，除了主菜肉質可口及美味之外，連配菜秋葵，南瓜，蓮藕片，沙律菜等也新鮮美味。適逢朋友生日，只是叫個甜點便可以寫祝福字句，用作打卡很不錯，上甜點時朋友很驚喜。由於枱的數目不多，亦沒有第二輪客人，我們可以一直食午餐傾計到午膳時間結束，即大概坐2-3小時也可以，很滿足的一餐。

見一面，倒不如吃一口麵。ʕ •ᴥ•ʔ（吸～～(1)意大利煙腩羽衣甘藍忌廉汁扁意粉意粉的世界多變，而味道並不紛雜。意粉結實帶嚼勁，蘑菇、洋蔥、煙腩油脂等材料摻合在一起，令醬汁濃郁又淳厚。(2)茴香羊架跟薯蓉(3)加拿大豬鞍架配野米飯(4)美國安格斯牛西冷配野米飯或薯蓉飲品方面都是基本配置，不過Latte / Cappuccino可能與西餐更為契合。一行一撐傘，吹過熏風，記錄於絕版的昨天。多謝哂大家，拜嚕～☘️

今日想食好少少，又唔想太油膩，就醒起呢間西餐。雖然位置比較隱蔽，但黎過一次就會認得。呢間餐廳以前都黎過一次，上次同fd黎就叫左個羊架，三文魚，再叫多左個小食牛舌，都幾唔錯，於是就收藏左咁今次我就叫左個燒春雞lunch set，就有一隻燒春雞加沙律，因為佢係即場燒，所以要等20分鐘。雞燒得幾好，坊間好多地方燒完都感覺雞肉乾，但呢度好成功咁鎖到雞肉嘅水份，食落又滑又juicy，體驗唔錯隻雞就唔算大，雞仔咁，份量就足夠我食，都算係飽肚然後個咖啡都唔錯價錢就$163加左一，價格合理如果人多嘅話記得book定位，如果唔係就要等整體黎講都算唔錯

今日行過市區，突然間被一股家常味道吸引，就走進了這家餐廳。首先試咗個「薯仔烤豬扒」，豬扒煎得剛好，外皮微微金黃，肉汁豐富，啖啖肉味，嚼勁十足。薯仔烤得香脆，同豬扒一齊入口，簡直就係完美配搭！再點咗款「火焰雞球」，賣相勁吸引，火焰一燃，距離覺得香呢個字都唔足以形容，啖啖雞肉，外層微微焦香，內裡嫩滑得嚟唔乾，真係惹味到不得了！之後又點咗個「意大利粉」，醬汁偏清新唔咸膩，配上新鮮番茄同肉丸，確實過癮！啲肉丸咬落彈牙，完美吸收咗醬汁嘅精華。至於飲品，我揀咗檸檬茶，酸酸甜甜，好夾！整體黎講，這家餐廳簡單得黎又親民，就算唔係大寫意日子，都會想拉埋三五知己來鬼混一餐，餐廳嘅氣氛悠閒得嚟服務又貼心，喺呢度食飯感覺得到一份暖意，好似返到屋企噏下飯噏下嘢咁樸實😌🥘🍝。

Our annual family Xmas favourite ❤️ No frills, honest homey delights. It also has one of the best patisseries in town 🥰 My family favourites are their pecan tarts and carrot cakes! They do takeouts too, so their food is perfect for office/home parties during the festive seasons🎄❤️🫶🏻 Dishes that we had this Xmas include:-🔸Chestnut mushroom soup 🤤 🔸Avocado & Brie on toast🔸Abalone in Sichuanese peppercorn oil🔸Squid & pepperoni 🤤 - went perfectly with a glass of Meursault 🔸Clams in white wine sauce 🤤🔸

各位食客朋友，今晚嘅食評帶大家去嚐嚐一家特別的餐廳之菜。話說，我喺度品嚐到嘅幾款菜式，都係門口開心得嚟！🤤 首先，柚子蜜焗雞翼真係叫我驚喜，輕輕一咬，果香四溢，雞肉嫩滑得嚟，媽咪呀！間間唔一定有得賣㗎嘞。再黎個辣肉腸魷魚鬚，意想不到嘅是，平平無奇嘅配搭竟然咁夾，辣肉腸啲鹹香咁啱夾埋魷魚鬚嘅鮮美，焗得啱啱好，真係無得頂！👌 大家注意啦，講緊嘅大蜆同蟶子意粉，係要提前預約架喔！說實話，大蜆煮到啱啱好，肉質飽滿得嚟彈牙，那陣陣酒香真係令人回味無窮。至於蟶子意粉嘅鮮甜湯底，同面條結合得天衣無縫，全程食得我心花怒放，唔係喎，係味蕾怒放。💖 喺這家餐廳，普通人都能深深感受到海鮮嘅魅力，總之，你要係海鮮控？千祈唔好錯過啊！

一間屹立鰂魚涌好多年嘅小店，由lunch set 食到而家廚師推介，今次嚟係為班俏皮朋友慶生，食物質素同味道都非常之好，連隔離枱見到同聞到我哋嘅食品都流晒口水，好可惜要預訂先有，佢哋唯有等下次啦🤣🤣🤣是日午餐:1. 柚子蜜焗雞翼 - 香甜肉嫰2. 辣肉腸魷魚鬚 - 辣肉腸嘅咸香配合魷魚鬚嘅鮮甜原來可以咁match，焗得又香又惹味，魷魚鬚又粗又爽，正呀👍3. 酒煮大蜆(要預訂) - 大蜆嘅香氣直撲鼻孔，粒粒肥大肉厚，啲蜆汁鮮甜到呢，真係冇得輸👍👍👍4. 蟶子意粉(要預訂) - 唔用青口用蟶子，成個餸upgrade哂，意粉煮到Al dente，大大隻蟶子又爽又鮮，好fresh👍5. 威靈頓牛(要預訂) - 千層酥皮好香好鬆脆，牛油同芝士嘅味道互相配合，牛肉係焗到粉紅色㗎，肉質鮮嫩軟腍腍，咬落去肉味好濃，絕對係哩度嘅招牌菜👍👍👍6. 三文魚野米飯 - lunch set 健康之選7. 豬鞍野米飯 - lunch set 最受客人歡迎8. Carrot cake 心太軟 焦糖燉蛋 - 三款都各有特色，個人就鐘意焦糖燉蛋，但最受歡迎應該係心大軟，朋友話食完覺得好幸福喎🤣尤於今次係食海鮮關係，價錢

鰂魚涌想試某一間銀器西餐廳但已經full Booking，見到呢間小店都有啲好平就一於試一試啦，夜晚價錢大概都係百零蚊，要另外加$40就有湯同麵包，因為唔太肚餓所以冇加到，所以淨係嗌咗主菜同甜品，價錢都唔係話好貴但都唔算平，走嗰種家庭溫馨路線，份量都比較少，食完喇係唔太飽㗎🤣🤣🍴 茴香羊架跟薯蓉 $158 另收加一 (7/10)份量唔多，羊架有3支，不過每舊都好細件，羊架肉質比較紮實啲，但煎得幾好，啱啱好五成熟，油脂幾香，有羊味但唔會太臊。薯蓉係冇調味好純粹嘅薯仔味，都係冇加牛油，鹽同香草淨係薯仔味🤣🤣🍴 美國安格斯牛西冷配沙律 (200g) $168 另收加一 (7.5/10)牛扒煎到五成熟，真係好薄身，手指一節長度再一半，唔算太有口感，牛扒有事先調味，肉質都淋身，有少少牛味，個蘑菇醬好香，好濃蘑菇味，有少少忌廉味，幾好食。冇要到飯同埋薯蓉，要咗沙律，都新鮮嘅，有紫薯條，一個南瓜一條青葵，感覺到燒得幾好幾飯到食物嘅原味。食完係唔太飽🤣🍴 朱古力心太軟 $38 (7/10)心太軟朱古力味濃，唔會太甜太苦，質感比較濕潤，黏口，略嫌外皮唔夠脆。🍴是日蛋糕 海鹽焦糖香蕉蛋糕 $40 (7.

又來聚餐，今次要試不同的餐，有酥皮焗三文魚，海鮮意粉，牛扒豬扒當然少不了，還有羊架，每當上菜時，個個都哇哇聲，賣相真係好靚，份量也不少，最好是葷素搭配，大廚心繫顧客健康，配搭了不同顏色的蔬菜，有沙律菜，秋葵，南瓜，蓮藕，番茄，食得開心❤又放心。酥皮三文魚非常吸睛👀，好大一條，切開一陣魚油香味，看到也流口水，😋人多食飯真好，可以試下隔離的東西。😛主食出色外，甜品也很受歡迎，我怕肥，只是試少少，雖然好食也是很節制。🙃

Kas Simply Deli嘅地理位置有少少隱世😅但2次嚟食lunch都係要book枱，walk-in總係無位😅所以2次食之間隔咗超過1年😅😅上個月嚟食，發現差唔多全場都係女顧客😳3個女人1個墟啦...咁全場女人(包埋自己同朋友🤣)就係好嘈好嘈好嘈😅😅😅所以大家打定底先，依度係食嘢嘅地方，但唔係傾計嘅地方👉🏻👈🏻飲食記錄：加拿大豬鞍架配野米飯豬鞍架簡單用鹽&黑椒醃製，煎至金黃色，聞落好香，望住豬鞍架表面啲油覺得好治癒🤤而且豬鞍架肉質鮮嫩，有豬味，非常多汁😋另外，伴碟嘅沙律菜同野米飯好味又健康👍🏻跟餐咖啡好普通

每年一次的小組聚餐，在這個小餐廳進行，人到齊了，新鮮沙律和香熱麵包很快奉上，主菜各適其式，豬牛羊雞魚都有，每人都非常享受面前的美食，餐廳雖小，製作認真細心，食材新鮮，配搭得宜，主菜出色外，還有多款小食，色香味具備，價格相宜，真是好友相聚的好地方。

上個月心思思想食 creme brulee 咁就求其google 鰂魚涌 creme brulee 彈咗呢間餐廳出黎，咁就揸車去買。去到諗住買外賣點知 creme brulee 無得外賣，同其他餐廳一樣。不過唔同既係佢竟然叫我連埋個瓷器去，得閒先拿返俾佢。非常有heart！ 跟住因為我無現金，又叫我食完返黎先俾返佢。呢d服務態度喺邊度搵？ 最重要係，個 creme brulee 超好味。認真推介！雖然位置有d難去，不過我覺得值得一試其他菜式。

等咗成個星期，終於到星期五。因為疫情關係，冇得出街食好嘢……今日真係做到傻咗，成個人虛脫。於是，我喺外賣Apps上邊，打咗我最想食嘅食物——心太軟，搵到呢間餐廳。我order左焗法國黃春雞伴蔬菜，同埋一個心太軟。講真價錢都唔平，其實如果比着平時我真係未必會揀呢間外賣。不過我今日實在太想食心太軟，你附近亦都冇乜選擇，估唔到揀咗一間咁有驚喜嘅餐廳。外賣到咗，首先佢哋好有心機咁喺紙盒外面包多咗一層保鮮紙。呢樣野我係欣賞嘅。因為疫情關係，呢排做多咗外賣，試過好多次食物到咗屋企，出現滲漏情況。打開咗個紙盒已經見到隻春雞瞓喺度，估唔到細細隻春雞都整得咁嫩滑，而且以外賣來講質素真係唔錯。我確實食得好開心，不過份量真係唔多。咁我都明白叫得春雞梗係細細隻嘅，但係如果可以俾多少少菜就更好啦。跟住到個心太軟。估唔到咁有質素！其實我成日都食心太軟，心情好同心情唔好都會食。佢呢個心太軟係自己做嘅，個甜度控制得剛剛好。我自己係屋企加多左一個雪糕，一啖雪糕一啖心太軟個感覺實在太正。可以係屋企食到一間咁有質素嘅西餐廳，真係好開心。下次有機會真係要去間餐廳到現場食。我見到其他食評，個蟹餅好吸引，下次一定要去試！

好耐冇見嘅舞台劇朋友仔之前話疫情過後約食飯，點知都係等唔切要見下面為左其中一個朋友仔放工喺附近搵左呢間大家試一試呢間餐廳唔算大，不過我哋都book左位坐最入，同其他人相隔幾遠，安心我哋分別嗌左晚餐A B C 魚扒牛扒我嗰個就係蟹肉墨魚汁意粉但係同我想像食完個口完全冇黑色裙邊🤣究竟係唔夠墨魚汁，定係用左其他煮法撈埋龍蝦汁，我就唔知喇不果佢地嘅蟹肉係堅蟹肉，而且好有鮮味👍🏻我見其他朋友仔嘅牛扒魚扒都好滿意😎晚餐加38可以有湯加包，或者沙律加包不過我哋三個都想減肥，所以唔加喇餐包一杯飲品，我揀左個綠茶好香Y雖然我覺得個餐有D貴貴地，不過呢間餐廳冇加一架，鄧番雲啦🙈

今日落左公司樓下食Lunch! 今次係第三次黎！食物依舊保持水準今日叫左個餐牌上冇晚西冷個西冷牛扒好Juice! 我地叫左Medium! 口感好似食緊和牛咁！好似講到好誇張！但係真家老闆話西冷諗住用黎做晚餐，但都俾我地叫！仲有杯Coffee! 好香！我有次忍唔住，淨係落黎買一杯咖啡就走 不過我唔記得影相