滿屋定食

营业中

休息中

行过几次，之前以为系日式定食，因中午时段长期爆场，连行过睇下餐牌都唔想，之后上openrice望望，原来系食泰国菜。终于有机会一试。建议12点左右食晏会好d，12点半之后9成要等位。午餐红咖喱牛腩卖相正常，问朋友仔好唔好食，话味道正常，好mild唔辣，有椰汁味带甜。猪扒鸡扒意粉正正常常，好茶记feel，因为全院满坐，都等左一阵先到，卖相ok，个茄酱又唔hea，份量满泻，扒又煎得几好。巨无霸定食登场海南鸡饭＋冬荫公汤底肉丸河＋3样小食，海南鸡冇隔离果间咁滑，冬荫公汤底都几好味，小食种类配搭多（我拣左炸带子，鸡亦，冬荫公汤细碗/比朋友试下），＋$6又有泰式冰类饮品，记得记得记得.......好重要讲3次，食得晒先好嗌呢个，真系坚大份。午餐性价比好高既餐厅，但我觉得隔离餐厅味道好食d，但就细份小小，不过呢边就组合多＋有巨人定食。多个选择/良性竞争都系好事。希望两间都做得更好。