一條腸粉 (已結業)

礼拜日旺角道天桥聚集了人来人往的行人和远走他乡的菲律宾姐姐，从天桥向下望，就见到个好抢眼嘅招牌，佢就系一条X肠粉行落天桥再认真睇吓知道系间潮式小馆，而潮州菜系我钟意嘅嘢，试新嘢嘅心态促使我行入呢间小店。餐牌唔复杂，就以下呢个牌面，简单明了。我和朋友各自点咗一份潮式肠粉，仲有手打马鲛鱼丸，菜茶，海丰小米，扁实。呢个就系汕尾菜茶，原属节日食品，亦有“添丁”之意。现成为某些潮汕餐馆一味特色菜，由7种以上青菜，各种肉丁，虾丁，菇粒，鱿鱼粒组成，再加上白雪雪的炒米及滚荡猪骨汤形成一道色，香，味俱全的菜式。呢个就系潮式肠粉加强版，除咗软滑肠粉外，仲加啖啖好味嘅帝皇蟹柳及蚝仔。扁实，亦即系云吞，潮式嘅馅系冇虾㗎，记住吖。跟住就系我点嘅富豪级肠粉，内有栗米，菜脯同埋我喜欢嘅弹牙，鲜甜蛏子王。『海丰小米』别名薯粉饺，亦即系用薯粉包嘅饺子，馅就系由猪肉及大地鱼组成，所以吃落有啖啖鱼香味系汕尾，海丰地区代表性小食之一。