更多
2018-01-25
1496 浏览
朋友介绍有一间好味私房菜,地点在理工大学宿舍,海滨南岸附近。去到大学宿舍,上一条楼梯就到达大学饭堂,职员问我哋系唔食私房菜,原来地点就在一间活动室模样嘅大房,当天我们七个人包场。朋友将菜单传俾我哋睇,菜名好有趣,大家齐齐估吓食啲乜。头盘送到,我哋齐齐哗咗出嚟,呢道菜名为「入学四重奏」(建筑系),用咗一个一层层嘅木架分别放上沙律、四季豆、石榴、同两个不同味道嘅米纸卷,味道很清新,超级靓啰!接着第二道菜「拉牛上树」(国家地理杂志系)送到,侍应先生先点著碟上嘅盐,明火烧住树上挂住的牛柳粒同炸过嘅萝卜糕,牛柳汁不停滴下来,大家等火熄咗就起筷,牛还是嫩嫩的,萝白糕一D都唔油,大家都小心奕奕地㚒,慎防牛柳粒同萝卜糕跌在盐上。第三道菜「满城尽带羽衣虾」(影剧艺术学系)又送到,西兰花和虾包着薄薄的炸浆,入口唔油,厨师控制火路有一手,配埋那个超级好味的蛋黄酱,真的不得了呀!第四道菜「理大秘密花园」(神秘学系)送上,系一个全碟用豆苗造成的比萨斜塔,上面还有蟹黄茨汁和杞子,让我们清一清味蕾。话咁快第五道菜「高分子咕噜肉」(化学系)又送到,我哋先俾碟中那棵糖树吸引,原来系用麦芽糖造成的,食落口感EE un u
去到大学宿舍,上一条楼梯就到达大学饭堂,职员问我哋系唔食私房菜,原来地点就在一间活动室模样嘅大房,当天我们七个人包场。
朋友将菜单传俾我哋睇,菜名好有趣,大家齐齐估吓食啲乜。
头盘送到,我哋齐齐哗咗出嚟,呢道菜名为「入学四重奏」(建筑系),用咗一个一层层嘅木架分别放上沙律、四季豆、石榴、同两个不同味道嘅米纸卷,味道很清新,超级靓啰!
接着第二道菜「拉牛上树」(国家地理杂志系)送到,侍应先生先点著碟上嘅盐,明火烧住树上挂住的牛柳粒同炸过嘅萝卜糕,牛柳汁不停滴下来,大家等火熄咗就起筷,牛还是嫩嫩的,萝白糕一D都唔油,大家都小心奕奕地㚒,慎防牛柳粒同萝卜糕跌在盐上。
第三道菜「满城尽带羽衣虾」(影剧艺术学系)又送到,西兰花和虾包着薄薄的炸浆,入口唔油,厨师控制火路有一手,配埋那个超级好味的蛋黄酱,真的不得了呀!
第四道菜「理大秘密花园」(神秘学系)送上,系一个全碟用豆苗造成的比萨斜塔,上面还有蟹黄茨汁和杞子,让我们清一清味蕾。
话咁快第五道菜「高分子咕噜肉」(化学系)又送到,我哋先俾碟中那棵糖树吸引,原来系用麦芽糖造成的,食落口感EE un un,咕噜肉和传统的很不一样,是用咗番薯和猪肉合在一起再炸,配上菠萝并不油腻。
已经好饱了,跟住第六道菜「抽头小学鸡」(畜牧工程系)送上,用炉仔庆住,豉油鸡很滑,好入味。
跟住「月光宝盒」(幻想历史系)又到,是用一个书本型的盒子装着荷叶饭,真的好饱了,但个饭热辣辣又香,我都忍唔住食咗两碗。
最后用「桃胶炖蛋白」(营养系)完成这个美食之旅。
我们七个人去食,份量很足,结果豉油鸡和荷叶饭都要打包。全部是心机菜,物超所值,三百几好抵食呀。
听闻菜单会不定期更新,我们约好二月再去食。
另外侍应先生和小姐亲切有礼,笑容满面,要比个like呀!
57 浏览
0 赞好
0 留言
76 浏览
2 赞好
0 留言
55 浏览
0 赞好
0 留言
65 浏览
0 赞好
0 留言
49 浏览
0 赞好
0 留言
52 浏览
0 赞好
0 留言
56 浏览
0 赞好
0 留言
54 浏览
0 赞好
0 留言
张贴