Shahrazad Lebanese Dining Lounge & Bar

一直都好想试吓唔同嘅中东菜，今次嚟到有好多异国风情餐厅嘅中环试吓黎巴嫩菜。一入餐厅已经好有气氛，装潢、灯光同音乐都好有中东色彩。 Mix Cold Mezze有鹰嘴豆蓉，味道唔算太浓，有淡淡嘅香甜味；烟熏茄子蓉味道就重啲，烟熏木味浓郁；红菜头沙律都唔错，冇红菜头嘅草青苦涩味，配水牛芝士好食。 Lebneh有自家制乳酪、蕃茄、酸椒，酸酸甜甜好开胃，加咗橄榄油增加香味。用naan蘸Lebneh、鹰嘴豆蓉同烟熏茄子蓉，好有中东风味。 Shrimp Matffie煎虾仁跟橄榄油、柠檬汁及芫荽，虾仁香口弹牙。 Samake Bil Tahini煎鳕鱼柳配芝麻酱，鱼柳好厚身，配芝麻酱浓郁唔腻口。 Kenbeh Bil Labban煎羊肉球加咗洋葱同小麦碎，增加香味，羊肉经过腌制好浓味，加埋希腊乳酪酸酸哋，口感幼滑。