國際咖哩館

营业中

休息中

落到湾仔刚好中午时间，四围睇下有咩好食，响条横街有间咖哩店，玻璃仲贴满报纸。呢排响屋企研究紧斯里兰卡咖哩，一时引起，打算入出尝试一下偷下师。本人喜欢羊，所以直接睇咖哩羊，。。。。。。。。。。。。哗12款咁多，心猿意马都唔知点算好，唯有揾个店员推荐一下边啲辣一啲的，佢数咗几款，黑咖哩未曾试过，就黑咖哩啦。店员仲再三提醒黑咖哩比较浓味，未必个个喜欢。上到台，卖相唔错，羊肉份量多。味道方面，香料系比较浓味，网上话系把香料炒到焦香所至。不过我觉得浓就浓，但果种咖哩嘅香味就唔够，辛辣亦不足。未食过可以试下，食完唔使到试。跟黑咖哩羊肉配送或簿饼，不过簿饼比较细件。环境清静，我去到果阵差不多1点，可能过了饭市，人唔多。价格方面，唔记得有冇加一，我觉得就偏高咗少少。