東歐餐廳

之前已经听过朋友介绍呢间餐厅，果然性价比好高，但一定要book枱，平日嘅夜晚都好full。餐厅嘅环境真系好似人地东欧嘅屋企咁，加上楼底矮，俾人一种好似食紧东欧私房菜。食物方面，太多数菜式都偏浓味，但唔会令人吃不消。前菜叫咗个三文鱼，好有咸香味，而且份量好多。香港无乜地方有得食鹿肉，嚟到呢度可以一试一，但我地就无试了。朋友话炖牛脷系必试嘅，差唔多每枱都有叫到，唔好睇个盅好似好细个，但入面有好多牛脷粒，起马有八粒，配埋芝士白汁同磨菇，真系好回味。个铁板三文鱼扒好香，皮好脆，鱼肉嫩滑，配埋旁边啲沙律菜，啱啱好，唔怕腻。焗苹果鸭胸系我最钟意嘅一道菜，无谂过鸭胸可以煮到咁嫩滑，配埋佢嘅苹果，真系好好食！大多菜式只系二百几蚊，真系好抵食！庆幸喺中环揾到间咁高性价比嘅餐厅，一定会再帮衬！