立鮨 (富達大廈)

营业中

休息中

今晚同朋友出旺角买game，行过附近见到有间系企喺到食既日本餐厅，款式唔少又唔算贵。等左一阵就入得，香港寸金尺土，铺租又贵，立食真系悭返唔少位。鲜虾味噌汤，少少咸，好香浓既虾味。特选三文鱼盛合，爱好三文鱼既人推荐叫呢个，因为已经有哂鱼腩、火炙同辣几款既味道。大满足海胆特盛(迷你)，对我地啲佬香讲坚系细碗，但系咁先显得出海胆既矜贵，味道浓厚甘甜。之后叫左堆寿司，唔续一讲了。中吞拿鱼腩，中拖罗脂肪比较高，恰到好处既鱼油脂非常甘香。本鲔赤身，由于呢个部位系鲔鱼最具结实，所以油脂少，肉质带少许咬口。火炙左口鱼，特别在烧完烟烟韧韧，无平时食开既咁油腻。海胆军舰，由于食完海胆饭想再食多少少海胆，所以转食军盘 (PS紫菜系脆的)碎葱吞拿鱼腩手卷，葱花既香味可以消去油脂既油腻，再加上脆皮既紫菜，正！喜之次寿司，本身Kinki就系贵既海鲜唔系好多地方有，所以见到有即刻叫左件，肉质比较结实，火枪炙烧一下外皮，可以令油脂更出。