影片
更多
2021-04-08
1824 浏览
🎐几年前，熊妹同猫妹去过铜锣湾店嘅《GoodDay Cafe》食晚餐，熊妹好少食过一次的餐厅会再去食，不过近排发现佢哋搬咗新铺，去咗葵涌KCC，Menu唔同，今日决定同猫妹再过去回味一下。📌KCC好容易去，系葵兴地铁站E出口一出就系。《GoodDay Cafe》位于8楼，搭lift上去就系。📌哗！新铺简直焕然一新，地方阔落，环境光鲜，有圆枱，有方形枱，仲有玻璃望窗吧枱位，望住个天食个tea简直一流。📌新铺新Menu📋，多咗好多嘢食㖞，仲要多元化左好多，汉堡🍔都有六七款，仲有Benedicts egg、意粉、薯条🍟、沙律🥗同各款小食，价钱大概$110至到$150，配搭饮品可以跟原价减$10，以Café价钱来讲算中上价。📌作为咖啡店，饮品方面当然有冲调咖啡啦，仲有其他梳打特饮，价钱为$30-$50，咖啡店叹杯咖啡☕️，坐成个下午，价钱都🈴理。至尊烤珍宝蘑菇手打牛肉双层芝士汉堡，$152➕加半个牛油果，$28食汉堡梗系要食手打牛肉先叫做系汉堡包🍔，呢个汉堡仲要系店舖推介，熊妹不得不试啦。半溶的双层芝士澎湃到呢，简直覆盖著成块汉堡扒，望到都垂涎三沢。🤤伴碟有一大堆沙律菜🥗同埋一大堆粗身薯条🍟，沙
🎐几年前，熊妹同猫妹去过铜锣湾店嘅《GoodDay Cafe》食晚餐，熊妹好少食过一次的餐厅会再去食，不过近排发现佢哋搬咗新铺，去咗葵涌KCC，Menu唔同，今日决定同猫妹再过去回味一下。
📌KCC好容易去，系葵兴地铁站E出口一出就系。《GoodDay Cafe》位于8楼，搭lift上去就系。
📌哗！新铺简直焕然一新，地方阔落，环境光鲜，有圆枱，有方形枱，仲有玻璃望窗吧枱位，望住个天食个tea简直一流。
📌新铺新Menu📋，多咗好多嘢食㖞，仲要多元化左好多，汉堡🍔都有六七款，仲有Benedicts egg、意粉、薯条🍟、沙律🥗同各款小食，价钱大概$110至到$150，配搭饮品可以跟原价减$10，以Café价钱来讲算中上价。
📌作为咖啡店，饮品方面当然有冲调咖啡啦，仲有其他梳打特饮，价钱为$30-$50，咖啡店叹杯咖啡☕️，坐成个下午，价钱都🈴理。
至尊烤珍宝蘑菇手打牛肉双层芝士汉堡
$152
49 浏览
0 赞好
0 留言
➕加半个牛油果，$28
食汉堡梗系要食手打牛肉先叫做系汉堡包🍔，呢个汉堡仲要系店舖推介，熊妹不得不试啦。
半溶的双层芝士澎湃到呢，简直覆盖著成块汉堡扒，望到都垂涎三沢。🤤
伴碟有一大堆沙律菜🥗同埋一大堆粗身薯条🍟，沙律菜好新鲜，捞上黑醋汁好开胃。薯条热辣辣炸得好脆口，粗身薯条🍟又够厚，好似食紧成个薯仔咁🥔。又健康又邪恶，都算系攞返个平衡。🔛
另加半个牛油果🥑系摆咗喺伴碟，可以让食客随意地就咁食牛油果又得，或者夹喺汉堡包入面连埋汉堡包一齐食加多重口感又得，呢个做法几好㖞！牛油果熟到超级好，超腍超熟超香，熊妹比较钟意额外就咁食，因为可以令牛油果喺口腔入边自己停留然后溶化，慢慢渗出牛油嘅香味。
汉堡包切开之后，来一个近镜先。哗！牛肉汉堡扒都好厚一块，肉质好腍，煎到大概八成熟又唔会太嚡太干，而且仲好Juicy，呢块手打牛肉功架很唔错。
上下嘅半溶芝士夹住块汉堡扒，令到食汉堡扒嘅时候一定会食到车打芝士嘅咸香🧀，汉堡包入面，芝士配汉堡扒一定系最佳配搭。
大啡菇🍄煎烤过好香，菇肉好爽口，好新鲜，好多菇汁，滋润埋个汉堡扒，令到成个包好湿润唔会好干。
仲有一片番茄片🍅同埋沙律菜🥗，一口过由包皮连半溶芝士牛肉汉堡扒番茄生菜咬落去，口腔入面充斥着各种食材嘅口感同味道然后又混合埋一齐，呢个就系汉堡包嘅滋味之处。
好日丰盛日早餐
$118
66 浏览
0 赞好
0 留言
➕多士转松饼配自制果酱，+$18
➕加半个牛油果，$28
猫妹比较大食，丰盛日早餐先会够佢饱。炒蛋🍳、烟三文鱼🐠、大啡菇🍄、沙律菜🥗、薯饼🥔、香肠🐷、基本嘅材料都有齐，另外猫妹唔食茄汁豆，转左多啲沙律菜，同埋另加$18将多士转左松饼配自制果酱。
炒蛋系用日本蛋，真系食得出分别㗎。蛋味香浓啲，口感滑啲，冇咁嚡口；烟三文鱼有一小块，肉质正常冇渣；大啡菇煎烤过，香菇味仲有菇汁，口感弹牙几新鲜；沙律菜好新鲜，捞上黑醋汁，开胃又健康；炸薯饼味道正常，粒粒薯粒点茄汁最适合；猪肉肠有两条，外皮煎香过，咬落去有啲油脂咇出嚟，冇雪藏味，无肉渣。
松饼系熊妹最爱嘅提子松饼，有提子干，放凉左都仲系好重牛油味，外皮未算好脆，系入口都仲系好松化，最惊喜系自制果酱，比较稀身嘅忌廉芝士酱混合埋少少果酱搽喺松饼上面，更加提升松饼混合物嘅味道，呢个自制果酱值得加分。
Cold brew冷泡伯爵茶啡
$54
46 浏览
0 赞好
0 留言
猫妹一望个drink menu就拣呢个冷泡茶啡🍷，因为佢系屋企都会自己冲黎玩。
冷泡茶啡嘅原理就系以冷水去浸泡茶叶同咖啡粉嘅味道出嚟，因为用冷水去浸，所以要嘅时间比较长啲，就唔似用热水好快就可以冲出茶或者咖啡嘅味道。
哗！熊妹就真系第一次饮呢个冷泡茶啡，就咁听落去熊妹以为系走奶的鸳鸯，但饮落去完全系另一个高档层次🔝！伯爵茶嘅茶香味好出，但系又可以饮到咖啡味嘅回甘，识得用上伯爵茶呢种咁独特嘅茶味，又唔会比香浓黑咖啡嘅味道盖过左，两种味道各有千秋，但系同时喺同一啖入边可以品尝到又唔会捞埋一齐，呢种配搭非常聪明，猫妹续啖续啖去品尝佢哋嘅味道，都赞口不绝，绝对值得一试嘅独特咖啡店饮品。
Flat white
$39
61 浏览
0 赞好
0 留言
熊妹一如以往，拣返自己喜爱嘅冲调咖啡-Flat white☕️。
拉花好特别，唔系一般嘅心形，而系好少见的海马。
可能因为海马嘅形状，变成奶泡层唔系太多，饮落去唔算好丰厚，好快就溶返入咖啡入面，不过咖啡同奶嘅比例都恰到好处，淡淡嘅咖啡味又会散发出牛奶嘅味道，呢个就系熊妹钟情于Flat white嘅地方。
📌嘻嘻哈哈，细声讲大声笑，食下野又吹吓水，望吓个天又饮吓嘢，咁晴朗☀️的好日，跟好友系休闲咖啡店渡过一个美丽嘅下午时光，一生知己，熊复何求？🐻
张贴
