好日咖啡店 (已結業)

周末係葵興上興趣班，想近近地搵間餐飯食飯，其實kcc 都有幾間餐廳，見人推介呢間係平民黃店餐cafe就去試下。環境: 有分窗邊似indoor, 同counter 似open area, 窗邊只有單人枱， 最後揀左張大枱坐。🍔特調花生醬爽瓜瓜芝士牛肉漢堡 加左花生醬嘅甜漢堡令個青瓜顯得特別fresh，脆爽嘅口感令個漢堡好有層次。🍝花麻椒蕃茄手撕豬肉意粉 個人好鐘意花椒辣， 個意粉唔算好辣， 加埋蕃茄酸酸地幾好食， 不過手撕豬肉就唔夠滑， 肉同意粉份量各半， 意粉都唔錯。Set drink 我地加錢試左其他特飲🍫73% 特濃朱古力 $54-$10凍飲黎講個杯比較細， 上面個cream 唧得幾靚，好似朵玫瑰花， 下面個朱古力係暖嘅，個朱古力好濃， 飲得出d朱古力粉， 打卡好睇， 但唔止渴。🍵抹茶提拉米蘇特飲 $59-$10個樣飲奶蓋， 但唔咸，淡淡嘅cream cheese, 抹茶粉一樣好濃同飲到顆粒感， 飲呢杯野我完全無從入手， 攪完似飲緊溶左嘅雪糕。

近排好鍾意去唔同嘅Cafe做吓嘢，呢間Cafe幾人哋講話有一個落地玻璃，陽光可以照入餐廳感覺好似好正就去咗！去到嘅時候係下午茶，就叫咗一個薯條同埋一杯咖啡☕️食物同飲品就冇咩特別，但係環境的確坐得幾舒服🥰

1人行👩🏻嗰日要去學跳舞💃🏻，諗住做運動之前食餐好嘅，就喺附近搵咗間睇落唔錯嘅Cafe☕️，試吓好唔好食，點知又唔錯喎👍🏻去到嗰陣差唔多3點左右，冇乜人完全唔需要排隊，佢係嗌咗嘢食先坐低，嘢食都好快上，員工唔多得2、3個，態度OK嘅呢間Cafe嘢食偏貴，本人都食咗$150+💸，淨係一個飯都已經$100+，但係想試吓新嘢嘅朋友都不妨一試，可能會有驚喜㗎😋

Coffee makes everything better☁️🫶🏻Monday also need calories to push our resilience😆葵興美食實在諗唔起 不過KCC 都算匯聚得多餐廳 星期一實在要啲動力同韌力自從Oyster moment 結束營業後 葵興越後越少西餐 都係番去KCC 食cafe✊🏻牛油果素啡菇burger啡菇係最有睇頭 實物同名字相符🤣因為啡菇我先order其他配菜都係一般元素 不過就坐得好舒服 唔會好逼😉#葵興#葵涌#西餐#burger#cafe#kcc#lifekcc#monday#resilient#lunch#hkig#foodie#coffee#hkfoodie#hkfoodie_life_荃灣綫

好少可有人主動揾埋餐廳食飯🤪原來因為呢度個景好吸引佢啊！睇到地鐵來往🚇佢睇佢嘅👀我食我嘅👅-今次試咗🍝和風忌廉明太子意粉($92)同🍅香烤芝士蕃茄醬植物肉磨菇意粉($89)配蒜蓉牛油丹麥酥，不過佢哋成日轉Menu，未必次次食到同樣嘅菜式啊！-兩者對比我會鍾意植物肉磨菇意粉多啲，因為番茄醬真係比較開胃冇咁膩，加上輕微烤過嘅粟米仔🌽會再多啲爽甜嘅口感🥰 而明太子意粉個醬汁比較杰身，同埋明太子味道唔夠突出，再濃啲就好喇🤓我哋各自都叫咗一杯一冷一熱嘅鮮奶咖啡☕️果然都係想追求一下拉花嘅儀式感🤭Nutty得嚟唔會澀，仲有少少可可香☺️温温暖暖🪵-☕️ 好日咖啡店🏡地址: 葵涌葵昌路72-76號活@KCC8樓801號舖☎️電話: 63600766🕙營業時間: 08:30-21:30 (Mon-Sun)———————————————🌿以上圖文由Bobowannaeat版權所有，轉發需授權喔🌿鍾意我的分享請 ᴄᴏᴍᴍᴇɴᴛ, ʟɪᴋᴇ, ꜱʜᴀʀᴇ & ꜱᴀᴠᴇ ❤️🌟繼續關注我的貼文請𝙁𝙤𝙡𝙡𝙤𝙬 @bobowannaeat (ㆁωㆁ*)

早上11:50入座，當時只有一台客人，12點都未到已經order左1飯1意粉，意粉早早到了，個飯足足20分鐘都未到，原來漏咗單，追問第一次的時候唔講，追問第二次的時候才講原來係漏咗單，當時只有一台客人在，咁都可以漏單？！一句唔好意思或道歉都沒有。。🙄🙄結果就是朋友一早已經食完，我的飯才來，冇下次。。照片上只有我的飯就是因為朋友一早吃完收走了。。🙄食物正常常常不過不失，意粉比飯出色，但是價錢偏貴，本來想吃all day breakfast，但原來lunch menu沒有😮‍💨啊！送嗰塊蒜蓉包幾好食嘅

今日約咗朋友幫我溫書所以就千里迢迢嚟到呢間cafe 諗住食番個靚brunch 再去附近Starbucks 温書為咗展開美好嘅一天同補充能量去溫書首先就叫左個特濃炙燒薯條伴蜜糖芥茉醬 開下胃先味道唔錯！cheese + honey mustard = perfect combination 之後等人齊就再叫左個All day breakfast 正正常常啦呢啲好難整得難食嘅全部都係罐頭野/加工食品另外，我哋仲叫咗個花麻椒蕃茄手撕豬肉意粉，味道幾特別中式調味料combine 西式煮法新鮮特別幾好食之後叫咗咖啡同一個甜品甜品還好啦冇咩特別咖啡比Starbucks好飲😂

位於工業區一個小型商場裡裝修幾特別，可以打下卡有窗邊高枱位，亦有室內矮枱位置假期下午茶時間，坐係有啲太陽照射既位感覺更chill🥒爽瓜瓜熔岩手打牛肉芝士漢堡🍔（特調花生醬）$132一場黎到，選佢出名既漢堡item仲要係小編最中意既花生醬！！🥜漢堡包唔算好大個，個包少少脆得來係幾軟熟～重點當然係個花生醬啦～🥜個花生醬好多好有口感！！有花生粒粒之餘仲好似混左啲麻醬咁。花生醬混埋啲半熔既芝士！🧀omg!花生醬控一定要試下！！好正～佢仲一啲都唔膩！應該係因為配左啲青瓜絲中和左～加埋啲菜🥬洋蔥🧅同蕃茄🍅，加添左個fresh既感覺。🥩入面既手打牛肉唔算好大塊，但好juicy架都！如果大塊啲就好啦！（小編個日冇食早餐比較餓😅）但對於正常女仔黎講個漢堡包大細係算幾好架。有埋新鮮炸起既薯條🧆同黑醋沙律菜🥗配埋杯Hazelnut Latte☕(加配飲品正價減$10: $45-10 )Hazelnut syrup 唔會好甜, 咖啡奶泡沖得幾滑身！好滿足的悠閒下午🌈Remarks: 可以加$38配是日蛋糕／$35配是日蔬菜濃湯又可以加錢add on加配料：鵝肝，大啡菇，日本太陽蛋，薯餅，炒野菌，牛油果等等仲有

今次第二次黎食🍄🍄🍄，記得第一次食時，好多人太趕💃💃💃。無慢慢享受就走了😔😔😔。今次第二次食😍😍😍，全場得我一個，可以慢慢享受😆😆😆，食早餐加飲咖啡之餘，又可以慢慢欣賞哩個石屎森林美景🚇🚇🚇。今次食哩個早餐🥗🥗🥗，份量對我黎講啱啱好。😆😆😆好味之餘，睇得出咖啡師用心拉花🦄🦄🦄。攪到我唔捨得飲☕️☕️☕️。希望小鋪繼續加油👍🏻👍🏻👍🏻

這間樓上café，已回訪幾次，最喜歡佢哋嘅開揚市景。好天氣，可以望到下面的地鐵列車埋站或離開站，幾有趣的😄 今次就嚟試吓個平日才有嘅午餐套餐啦～酥炸軟殼蟹芒果莎莎醬漢堡配薯條和黑醋沙律 (HK$148)．我喜歡食軟殼蟹，炸得酥脆，算幾厚肉，只係比較細隻一啲．軟殻蟹配芒果莎莎醬真係好特別，第一次見，芒果甜甜的，一鹹一甜，出奇哋夾😋．薯條係厚切多肉嗰種，調味也是微鹹，正合我口味．伴黑醋沙律，爽脆新鮮的沙律菜配酸酸甜甜的黑醋醬，可以減炸物的油膩檸檬蜂蜜 (跟餐 +HK$0)．這裡沒有香港人最愛嘅檸檬茶，但有檸檬蜂蜜，檸檬味不太酸，配蜂蜜反而比較甜蜜，沒有紅茶的苦澀味😋店門面

我之前睇好多食評都讚， 今天行過葵興專登行過去試下， 早上未夠12時到達， 有幾檯客係主廳+1台係露台， 其中主廳一張檯有2個小朋友好嘈， 我避出露台坐圓檯， 但小朋友喧嘩聲響震餐廳， 露台都聽到😞， 可取地方露台望出景觀開揚， 係我唯一加分地方。餐牌得3張紙， 選擇不算太多， 今天不知是否weekend 冇set lunch, 散叫左意粉同齋啡， 加啡可以， 意粉 唔要辣，有濃濃白計(芝士汁！？)但冇咩味， 進食時唸緊佢地咪expect 我自己 加鹽同芝士粉調味😂😂。餐廳環境： 地方細， 如果full house 會好嘈， 明顯擺位幾密， 露台 狹窄坐滿會好迫，bar 櫈坐得耐不太舒服， 建議 非繁忙時間 過來會舒服d。食物： 知道很多人推薦漢堡包， 可能叫錯食物😅😅， 意粉質量同價錢， 性質低。價錢： 偏貴😵， 意粉加加啡~$150.

第一次到葵興的KCC，真的大開眼界，記得當年路過葵興，依稀記得只有地鐵站旁邊的小商場有一間美心快餐店，現在有了KCC一期及二期，食肆變得琳琅滿目，選擇多而且似乎質素也不錯。今天選了一家小型西餐廳，點了Classic Beef Cheese Burger的Set Lunch，跟餐有薯條、沙律及飲品一杯，盛惠$138，價錢比想像中高。Burger的味道關鍵當然是其漢堡扒，此餐廳的漢堡扒做得不錯，牛肉味還可以，而漢堡扒的質感也不錯，吃得出是有大有小的不規則肉碎而不是出於攪拌機的免治牛肉。薯條的質素則比較差，比較乾身，估計應該是預早炸好再翻熱的貨色。至於作為拌碟的沙律的新鮮度還可以，如果份量多一點會更班想。

前一排同friend一起去飲咖啡，係葵涌區有少少偏遠，人唔多，環境好靚有落地玻璃，光線充足。叫左一份套餐（經典手打牛肉芝士漢堡配薯條）同兩杯咖啡（Affogato，原來係咖啡配雪糕）。薯條一般般冇乜特別，不過特別熱辣辣，感覺新鮮，但表面麵粉皮幾厚。漢堡size超大，牛肉質地OK，啖啖肉好滿足。講下咖啡，Cappuccino表面的確好多泡沫，多到溢出來，味道唔算好苦，少少甜；Affogato好特別，有兩球雪糕同埋一小杯咖啡，食法便是把雪糕蓋在咖啡頂部，話係咖啡其實更加似甜品多D～服務衛生其實都OK無傷大雅，其實大致上OK worth to try～

今日嚟到good day食 burger,開展good day🤪試咗個burger，麵包烘過有牛油，漢堡肉質鮮嫩，咬落去有充足嘅油分同埋肉汁，好Juicy,配合埋蕃茄同埋生菜，咬落去已經好滿足，好味加錢轉左熱mocha,咖啡香濃，朱古力味都突出，入口順滑，拉花都算唔錯，水準都幾高可能過咗午市嘅關係，店內唔多客，所以我同有人可以慢慢坐、慢慢傾，其實都幾舒服，我見有啲人一個人嚟，特登仲揀向窗邊望嘅位置，好似都幾chill

約咗另外兩位朋友午餐聚會，早上11點前已先到餐廳，因為係閒日返工日子，全廳就只得我一人。服務員好快手送上早餐及午餐餐牌，並提醒仲有早餐可叫，早餐價錢$38~$68，午餐$79~$159。最後一行3人各自order咗3個午餐及小食。因為要等附近某機構2:00開門辦公而外面太熱 所以我地坐到1:45 , 中午全廳坐滿，但服務員都無做出任何趕客行為……實在難得 服務: 雖然係自助式但都可以感受到服務員有質素環境: 舒適朋友聚餐假日黎應該會少好多人會好啲食物:無骨雞脾飯好好味 醬汁酸酸味味好開胃，原本覺得$79雞脾飯都幾貴下 不過食完就覺得都值呢個價，有高级餐廳水準朋友食完評價都係好好，大家一至覺得可以推介畀朋友尤其見佢哋啲蛋糕好似好得，可以黎試下下午茶……