印尼餐廳 (已結業)

因为阿妈系印尼华侨，所以自小都食开印尼菜，不过啲老字号愈来愈少，唔少都执左，就连印尼餐厅都要年三十晚光荣结业。趁印尼餐厅仲系度，拿拿临带阿妈食番次，不过大家要预左黎等，就算订左位都要，咁我宁愿walk in等，因为都系要一齐等，大家体谅下。印尼餐厅有我细路时好钟意饮既大树菠萝冰，而家冇咩边度饮到，所以饮番真系几开心，同埋佢唔太甜，阿妈就饮椰子冰，呢样就好多餐厅都会饮到。巴东牛肉当然系呢度既招牌啦，几乎个个都叫番碟。巴东牛肉煮得好腍好入味，味道正宗👍🏻巴东牛肉唔易煮，工序繁复，食到好食既坚难得。加多加多都系我地既至爱，香甜又有啲粗粒花生既酱汁，捞埋一堆爽脆既蔬菜食，好食到爆，当然呢个易整过巴东牛肉啦，主要取决酱汁同菜既新鲜度。串烧鸡肉其实闻落好香烧烤味，不过食落就太重香茅味，盖过原先烧烤鸡肉既惹味，但整体都有肉汁，肉厚得黎又唔会嚡。