雲魅 (已結業)

放工本来约咗朋友食726一楼嘅面面，但嚟到先发觉原来已经结业，失望之际发现楼上开咗间新嘅米线店，上去一睇发现竟然座无虚席。餐厅主打过桥米线，除咗几款特色汤底之外，仲有四款豪华米线配料，非常有特色。枱面仲有小提示牌建议食客加入食材嘅先后次序同步骤，非常细心。文山精致配料有酥肉、炸酱、鹌鹑蛋、虾、响铃、带子、虫草花、粟米、芫荽葱、酸菜同牛肉，超级丰富，简直可以用豪华嚟形容。汤底用一大个石锅装住，加热后先送上枱，热力足够令食材全熟，老坛酸菜汤鲜香浓郁，酸得嚟带少少辣劲，配上米线非常合衬。昆明风味配料有鹌鹑蛋、鱼腐、餐肉、酥肉、炸酱、响铃、酸菜、粟米、蕃茄仔、芫荽葱同牛肉，比文山配料贴地，但同样丰富，而且有我至爱嘅鱼腐同餐肉。杂菌素汤味道较为清淡，适合唔食辣嘅朋友，加入唔同种类嘅菇菌同杞子，虽然冇香辣汤底嘅刺激感，但鲜味突出。汤底加入所有配料同米线之后份量好多，而且配料种类多，感觉一啲都唔单调。蜂蜜红枣茶味道清甜滋润，红枣嘅味道非常突出，好适合初秋嘅天气。菊花姜蜜味道亦唔错，仲可以见到一棵棵盛开嘅小菊花，姜味明显但系唔会太辣。米线食得多，但咁豪华嘅配搭系第一次食，话佢系米线中嘅贵族亦不为过，除