LAB EAT Restaurant & Bar (T.O.P This is Our Place)

营业中

休息中

約左老公收工後去旺角行街買波鞋，我地約係T.O.P.食飯，老公揀左一間別緻西餐，話好多人打卡好高評價，一於試下。 餐廳位於T.O.P. 5樓，門面以木色為主，配一個燈牌非常耀眼，室內面積大，裝修簡約時尚，十分舒適。食物種類多選擇而且菜式好創新，我地好多都想試，最後由老公發板。 virgin mojito呢杯係 mocktail 我揀左荔枝味，入口清新除左甜甜荔枝味還有陣陣薄荷香，非常適合夏天降降溫。 日本帶子刺身薄片及溫泉蛋 帶子刺身配溫泉蛋感覺好創新，帶子的鮮甜沾上蛋汁更滑，魚籽及魚籽醬的咸香增加了海洋味道，最特別是低層微微酸辣的pickle，令整體添加了一點泰國風情。 焗卡邦尼生蠔卡邦尼意粉吃得多，焗蠔是首次，蠔面鋪上一層厚厚的卡邦尼醬，非常creamy，幼滑的醬包裹著脹卜卜的蠔，入口滲海洋的鮮味，出非常好吃。 和牛牛尾蕃茄濃湯非常濃郁的牛尾湯，十分足料，湯質感比較稠，牛尾很軟淋入味，飲完一碗已經有點飽肚。 西班牙黑毛豬鞍主菜的份量很大，二塊黑毛豬鞍以炭燒方式令表面焦得很香，七成熟的豬鞍切開見到粉嫩色澤，肉質軟淋，配上蘋果醬吃甜甜的好惹味，配菜有甜薯和毛豆，十分豐富，二人分享剛好。