熊小館

营业中

休息中

呢日去Megabox买野，夜晚到访呢间以bear bear熊做主题嘅亲子餐厅。入边嘅环境相当阔落，仲设有俾小朋友玩嘅专区，餐厅装饰有心思，处处都见到有熊啤啤主题嘅装饰，打卡一流。法式香草牛油焗田螺（$50）- 呢个超有惊喜，用铁板上菜，keep住热辣辣，田螺配埋香滑嘅薯蓉一齐食，味道超好。黑松露忌廉汁烟三文鱼天使面（$92 + $25跟餐）- 天使面嘅分量唔少，加埋烟三文鱼同黑松露忌廉汁，入口好味。天使面烟韧弹牙，吸收咗忌廉汁，味道十分浓郁。铁板肉眼扒（$155）- 叫7成熟，但食落肉质好鲜嫩，一啲都唔韧，牛味好浓郁。薯条炸得好脆好干身，好香口。跟餐仲有餐汤、蒜蓉包同埋餐饮。玫瑰法式炖蛋白（$25）- 炖蛋白入口充满蛋味，好creamy，配埋面头嘅焦糖一齐食，味道充满层次。套餐包埋罗宋汤同饮品，加$18可以upgrade做特饮。罗宋汤足料，热辣辣，味道唔错。由于食得太饱嘅关系，餐饮我哋点咗热柠茶同热柠水各一。