影片
更多
2023-10-10
62 浏览
辣妹朋友又带我食四川菜，今次去咗元朗间楼上川菜，地方大到哗出声，装修都好有气派，枱同枱之间好阔落，卡位舒服之余又可以同其他食客保持距离，厕所都好干净企理，饮多几杯啤酒都唔怕去厕所。餐牌选择有好多，最方便系自助落单，有四川小菜同烤鱼两大类供选择，得我同辣妹两得食得唔多嘢，辣妹中意食干锅同酸菜鱼所以点咗干锅、酸菜鱼同啲前菜。凉拌拼盘通常有小食拼盘我都会拣因为乜都有啲唔使烦。泡椒鸡翼尖好重泡椒味但又唔辣感觉好特别，好啱做下酒菜；夫妻肺片味道偏麻味但唔算辣，加咗芫茜同芝麻特别香口；黄金皮蛋食落冇碱水味，流心蛋黄冇得输；莲藕片同青瓜都好爽脆，味道清新最啱就系用嚟中和食干锅嘅油腻感。酸菜鱼酸菜鱼个卖相十分吸引，有菊花作点缀，另外份量大到吓亲我同辣妹，眼见汤底唔多辣椒同麻子，于是食开十小辣嘅我就放心大啖入口，结果食落都几呛鼻，开头几啖就已经辣到头皮发麻，食多几啖又觉得几过瘾，食完饮啤酒觉得特别爽添，难怪辣妹成日都话要辣啲啦。鱼片冇骨味道唔腥，配菜都好值得欣赏，有爽脆莴笋、豆芽、豆卜、阔薯粉同豆皮焖面，而我系第一次食豆皮焖面，豆皮嘅口感好特别似系豆腐边果种质地，索咗麻辣汤汁后好惹味，一食就爱上咗。自选
餐牌选择有好多，最方便系自助落单，有四川小菜同烤鱼两大类供选择，得我同辣妹两得食得唔多嘢，辣妹中意食干锅同酸菜鱼所以点咗干锅、酸菜鱼同啲前菜。
凉拌拼盘
通常有小食拼盘我都会拣因为乜都有啲唔使烦。
泡椒鸡翼尖好重泡椒味但又唔辣感觉好特别，好啱做下酒菜；
夫妻肺片味道偏麻味但唔算辣，加咗芫茜同芝麻特别香口；
黄金皮蛋食落冇碱水味，流心蛋黄冇得输；
莲藕片同青瓜都好爽脆，味道清新最啱就系用嚟中和食干锅嘅油腻感。
酸菜鱼
酸菜鱼个卖相十分吸引，有菊花作点缀，另外份量大到吓亲我同辣妹，眼见汤底唔多辣椒同麻子，于是食开十小辣嘅我就放心大啖入口，结果食落都几呛鼻，开头几啖就已经辣到头皮发麻，食多几啖又觉得几过瘾，食完饮啤酒觉得特别爽添，难怪辣妹成日都话要辣啲啦。鱼片冇骨味道唔腥，配菜都好值得欣赏，有爽脆莴笋、豆芽、豆卜、阔薯粉同豆皮焖面，而我系第一次食豆皮焖面，豆皮嘅口感好特别似系豆腐边果种质地，索咗麻辣汤汁后好惹味，一食就爱上咗。
自选肥肠干锅
自选干锅有个好处就系想食乜𩠌就加乜𩠌，炒出嚟会变得好有层，辣味可以拣麻辣、香辣同蒜香，辣妹又选咗麻辣，我食完呢餐之后食辣程度应该都提升咗好多。干锅原锅配菜有莲藕同莴笋，莲藕、莴荀同花椰菜炒过之后变得香口但仲保持到爽脆口感，肥肠好肥美，同芫茜一齐入口特别滋味。
红糖冰粉
冰粉配料简单只有花生米、提子干同菠萝，食过之后觉得好有惊喜，花生米嘅味道同红糖味出奇地夹，提子同菠萝嘅酸甜味添加咗清新感，可以去除主菜嘅重口味。
张贴
