碼頭上魚

营业中

休息中

無骨醉雞米線$48醉雞酒味香醇去骨食落好方便肉質都幾好可惜個湯底淡茂茂，完全冇味道自選小窩米線揀咗3餸豬大腸丶海帶、時菜$46同樣都係個湯底淡茂茂，完全冇味道另+ $5有罐裝汽水飲品

話你知啦，今日去咗間元朗嘅餐廳食個「正」。入到去嘅頭先噏，裝潢夠晒味，一個巨型魚燈籠拉飛晒目，坐落嘅卡位亦都幾私隱，唔洗擔心側枱聽到我哋八卦👂。食得開火鍋嘅朋友，應該會鍾意呢度嘅鰂魚鍋。魚鍋送上嚟嗰刻，個湯底滾滾白花花嘅，入鼻香氣已經令人滋润晒! 靚魚添上香蔥、薑絲，咁樣一煮，鮮甜得滯，飲一啖湯，真係暖笠笠啲心頭肉。當然唔止魚，又點可以唔試下肉? 嗰塊安格斯牛肉食落去軟滑得嚟帶有淡淡嘅甘香，係真正嘅嫩滑啊！👌 淺嚐幾片之後，每一啖都令我驚喜連連，即刻醒神！蝦卷同墨魚丸都係雪白啫喱啫喱，有份量得嚟仲有咬口。至於嗰個紅糖冰粉，滑溜溜嘅口感喺閉上眼咁食，就有種謂咗身喺古早巷仔嗰陣嘅錯覺。飲食康樂嘅朋友，我啲美食旅程你地應該跟住嘗下呢家餐廳嘅四川金牌，記得帶住你嗰養得出海嘅胃呀! 🌶️ 고장

想吃正宗而又有質素的川菜，自然又諗到呢間，暫時未有其他可以取代。很好吃的川菜。碼頭無骨花鵰醉雞：$148首先俾人感覺半隻雞份量好多，我們初初還誤會以為係一隻雞呢。然後外觀極具吸引力，雞件排列整齊，浸浴在花鵰酒池，雞皮金黃誘人。入口時，你會感受到雞肉的鮮嫩多汁，配上獨特的醉雞醬汁，這道菜的風味更加豐富。醉雞醬汁的味道醇厚，帶有微妙的酒香，讓整道菜更加美味。老壇酸菜魚$188。這道菜以新鮮的魚肉和酸菜為主要材料，口味酸辣開胃。魚肉鮮嫩多汁，口感顺滑，搭配上酸菜的風味，味道更加豐富，帶有微妙的酸辣味，讓人胃口大開。如果你喜歡辣味和酸味的結合，老壇酸菜魚絕對是一道值得品嚐的菜品。椒鹽爆醬豆腐粒$78。這是朋友首先，他是一個豆腐腔，豆腐粒為主料，經過炸至金黃酥脆後，再加入椒鹽調味。豆腐粒外酥內嫩，椒鹽帶來辣香味，直接吃或者下酒都是不錯的選擇。如果想享受有質素的川菜，這家是個不錯的選擇。座位寬敞，環境舒適，還可以包廂增加私隱。我都會定期來懷念一番。

-老壇酸菜魚配白飯+汽水(午市套餐) $73超級大碗！呢個份量同價錢成正比👍🏼淨係碗酸菜魚已經份量十足配料夠 魚片都夾極仲有碗飯食到一半酸菜魚都未食完🤣抵食！ -輕煙黃金炸饅頭 $68細細舊易入口 而且外脆內軟👍🏼同三五知己當飯後甜品岩岩好！

突然好想食酸菜魚發覺左元朗呢間川菜🥹老壇酸菜魚配白飯+汽水(午市套餐) $73份量絕對對得住價錢👍🏼餸仲多過飯 魚片夠滑配料都有好多 例如：萵筍、寬粉、豆卜等等等等淨係食酸菜魚都已經夠飽🤣輕煙黃金炸饅頭 $68外脆內軟🤩類似一口饅頭 細細舊易放入口仲有8舊咁多！！！配埋煉奶層次感再昇華推薦～芥辣鮑片 $58都係好大份嘅小食鮑片有埋鮑汁 唔點芥辣就咁食都好夠味點芥辣就有多重口感👍🏼仲有好多其他前菜、小食、套餐等等佢哋仲有做火鍋㗎 不妨一試👍🏼

朋友叫我去試元朗果間美魚餐廳，話係巨無霸魚鍋擔得起場面。入到去，店舖設計有中式骨子，好有特色。嘆頭先啦，叫咗碗芫茜滋味濃郁嘅鮮魚湯，入口鮮美得嚟唔膩口，啱晒解饞。跟住，眼前這條烤魚，香辣得嚟唔會太過，啲魚肉嫩滑得嚟絲毫唔會火腩🌶️，真係食得出新鮮。隨便一夾，魚皮係咁滑，肉質鮮而唔膩，夾埋同煮嘅芽菜一齊食，清口得嚟又開胃。件事仲有得揀，我點咗個湯底一邊酸菜一邊微辣，酸酸地又帶點提味，呢個配搭真係靚絕👌！別以為呢度得煲仔魚好味，韭菜餅都不得了，外脆內軟，唔油膩，啖啖香😋。 最後，友人推介嘅手工麻辣牛肉，辣中帶微甜，肉質爽口彈牙，啲辣椒絲爽脆，一啲都唔澀。總括黎講，食物質素著實唔錯，服務都好貼心。肚仔飽飽之餘，仲發現店家有提供冰粉嘆，真係飲落口感清新，完美收尾🍧。 下次，我一定要再嚟，帶埋啲愛食辣嘅鐵齒朋友！

📍 碼頭上魚 (元朗)天氣實在太凍我朋友上次食過一檔麻辣川菜煲非常惹味係咁叫我去試下今日就決定打去book位試試菜單真係花多眼亂最後決定試一試幾個新奇口味✨惹味牛筋腩雞煲$268哩個陪打幾新奇牛筋腩岩岩好,啲雞幾鮮嫩 食完個煲有少少覺得啲牛筋腩好似少啲似乎鐘意食牛筋腩多過雞✨鐵板水晶粉$108水晶粉好入味,唔知係咪肚餓食起上嚟好正加上天氣凍第一碟上菜非常驅寒✨萵筍炒臘肉$108萵筍係我嘅最愛口感係非常爽口不過我臘肉略為有少少鹹哩個餸其實配飯相當一流如果係元朗又想試試特色少少嘅雞煲川菜就一定要試試哩間碼頭上魚味道：4/5環境：5/5服務：5/5性價比：4/5📍 碼頭上魚 (元朗)元朗鳳攸南街9號好順利大廈1座1樓2號舖

碼頭上魚餐廳好闊落，坐得好舒服❤️碼頭無骨花鵰醉雞$58雞肉滑嫩多汁，酒味剛剛好，食落都好滿足❤️四川擔擔麵$48麵條有彈性，湯汁有少少辣好香，加上花生碎同蔥花，好啱我口味😋❤️黃金魷魚鬚$98魷魚鬚大大條，炸得酥脆，外脆內嫩，食到濃濃嘅咸蛋黃味😋❤️麻辣洋蔥炒羊肉$88羊肉香味十足，仲有少少辣添，配上洋蔥，香氣四溢，真係令人胃口大開。❤️薑蔥焗生蠔$128生蠔同薑蔥嘅香味好夾，啲蠔都好大隻。

每隔一段時間就會想食下D辣野，但又唔係成日得閒返大陸食~今晚係元朗都搵到一間性價比OK既上樓川菜~餐廳環境都幾好，台夠大，有少少裝飾古色古香唔頹~~野食方面我地試左水煮魚﹑黃金蝦﹑花菜炒五花肉三個菜式:水煮魚啖啖肉，魚肉既份量都唔小，唔洗撈已經見到魚肉係面。食落魚肉爽滑厚肉，對腥味勁敏感既朋友都話可以接受到喱個水煮魚。配菜有蒿荀﹑蓮藕﹑芽菜等等，配菜唔會太吸辣味，有少少解辣功效。黃金蝦黃金蝦炸得岩岩好，一碟唔洗一百蚊有6隻，算抵食!咸蛋味頗出，cover到成隻蝦既表面，成道菜都好惹味~~朋友就鐘意佢可以連蝦殼食，話蝦殼先係最入味好正呀花菜炒五花肉喱個菜式比較少食，但試左都覺得可以推介，整道菜式既孜然味重~花菜Keep到爽口既口感，而五花肉可能因為炒過逼左D油出黎唔算肥膩，好味道!份量都係超大份，鐘意孜然味既話都可以一試!其他餐廳都仲有唔少川菜菜式，甚至係邊爐供應，下次口癮起又可以再上黎試下~~

碼頭上魚元朗鳳攸南街9號好順利大廈1座1樓2號舖鳳攸南街多野食 一向都知係yoho shooping完尼呢到搵野食仲好 因為商場實在太多人裏面裝修古色古香 幾有中式古典美老壇酸菜魚 $188酸菜的酸味和湖南辣椒 刺激而又爽口 魚肉質鮮嫩，口感細軟 加入蒜苗、豆芽、木耳、豆皮等多種蔬菜泡椒花椒食到好惹味黃金蝦$108咸蛋黃蝦結合了鮮美蝦肉和濃郁咸蛋黃醬金黃色外觀，蝦身包裹在滿滿咸蛋黃醬中咸蛋黃醬帶有濃厚鹹味和奶香味爆漿糍粑$68口感綿密，咀嚼時有一種糯米黏滑感紅糖糍粑的主要甜味來自於紅糖濃郁香甜味

今日去元朗探外國翻嚟嘅朋友，佢話鳳攸南街呢邊好多好野食，以前成日教係呢度行下hea下，咁我地見呢間碼頭上魚裝修豪華，好有氣派，就上去試下。😁😁入到去座位非常闊落，侍應招呼周到，菜式亦多樣化，有烤魚、各款海鮮、刺身、小炒等。☺️☺️首先，我點左老壇酸菜魚。魚肉鮮嫩多汁，搭配酸菜的微酸味，不至於太辣，恰到好處，非常開胃。😋🐟接下來是香辣回鍋肉，肉片炒香後，搭配香辣的醬汁非常惹味，配上蔬菜、香蔥、豆腐，用料十足。🌶️🤣黃金魷魚鬚都十分推薦，黃金酥脆的外衣包覆著嫩滑的魷魚，絕對是下飯嘅最佳選擇。🦑😆由於碟碟餸都好好食，我地胃口大增，叫左兩碗白飯，今次同朋友聚舊好開心，下次會再黎食過。😉😉

今次嚟到元朗呢一間樓上四川餐廳，下晝四點幾你呢個時間人流唔係好多，反而可以細心欣賞佢嘅裝修，有啲燈籠仔幾有氣氛。首先上菜嘅係黃金蝦。黃金蝦炸得香脆，面頭嘅蛋黃非常惹味。手拍青瓜呢邊嘅手拍青瓜偏向辣味濃啲蒜泥白肉卷青瓜張蒜泥嘅重口味同埋腩肉嘅油膩感平衡得好好，另外可以睇得出師傅嘅刀工，整碟賣相非常好。鐵板水晶粉水晶粉嘅口感幾特別，比起銀針粉幼身。非常辣，用嚟送酒一流。碼頭無骨花雕醉雞半隻相信呢個係呢度嘅招牌，好耐冇食過咁好食嘅醉雞，走嘅味相當突出，雞肉都好嫩滑，仲要無骨，無可挑剔。另外我見餐廳都有啲包廂，適合一大班朋友聚會。

我同朋友都中意食辣，每隔一段時間都會忍唔住食番餐川菜。今次佢帶我黎碼頭上魚，話依度嘅四川菜夠正宗！  雖然依度出名食魚火鍋，不過因為我地想試下川菜，所以就直接點咗酸菜魚套餐。一上菜真係嚇親我地，估唔到有咁多菜同埋每一份都咁大碟。  老壇酸菜魚，魚片有好多片，每片都好嫩滑鮮甜，而且湯底好濃郁，非常開胃。本身以為剩係得鮮魚片，點知仲有好多配料，例如闊薯粉、豆皮、萵荀、芽菜、豆卜等等。 脆皮炸BB鴿，細細隻炸得好脆，肉質紮實。 經典回鍋肉，師傅落足火侯去炒，回鍋肉同椰菜炒得好香口，回鍋肉片片肥瘦均勻，真係想送幾碗飯！ 川北粉皮，粉皮好爽口，嗦哂啲調料。 夫妻肺片，有牛肚牛展，秘製麻辣汁好惹味。 

辣妹朋友又帶我食四川菜，今次去咗元朗間樓上川菜，地方大到嘩出聲，裝修都好有氣派，枱同枱之間好闊落，卡位舒服之餘又可以同其他食客保持距離，廁所都好乾淨企理，飲多幾杯啤酒都唔怕去廁所。餐牌選擇有好多，最方便係自助落單，有四川小菜同烤魚兩大類供選擇，得我同辣妹兩得食得唔多嘢，辣妹中意食乾鍋同酸菜魚所以點咗乾鍋、酸菜魚同啲前菜。涼拌拼盤通常有小食拼盤我都會揀因為乜都有啲唔使煩。泡椒雞翼尖好重泡椒味但又唔辣感覺好特別，好啱做下酒菜；夫妻肺片味道偏麻味但唔算辣，加咗芫茜同芝麻特別香口；黃金皮蛋食落冇鹼水味，流心蛋黃冇得輸；蓮藕片同青瓜都好爽脆，味道清新最啱就係用嚟中和食乾鍋嘅油膩感。酸菜魚酸菜魚個賣相十分吸引，有菊花作點綴，另外份量大到嚇親我同辣妹，眼見湯底唔多辣椒同麻子，於是食開十小辣嘅我就放心大啖入口，結果食落都幾嗆鼻，開頭幾啖就已經辣到頭皮發麻，食多幾啖又覺得幾過癮，食完飲啤酒覺得特別爽添，難怪辣妹成日都話要辣啲啦。魚片冇骨味道唔腥，配菜都好值得欣賞，有爽脆萵筍、豆芽、豆卜、闊薯粉同豆皮燜麵，而我係第一次食豆皮燜麵，豆皮嘅口感好特別似係豆腐邊果種質地，索咗麻辣湯汁後好惹味，一食就愛上咗。自選

元朗出名多好嘢食，呢間餐廳嘅設計有中國嘅宮廷特色，古色古香，甚有格調鰂魚鍋$138一大鍋材料非常豐富，有煎香左嘅鰂魚一條，金菇油麥菜蕃茄芹菜芫荽蜜棗杞子薑蒜加入湯底滾起後盡顯鮮甜撈起原條魚夾黎食，始終都要小心骨，魚肉厚實而入味深海龍躉片$168份量多而厚肉，肉質幼嫩四寶丸$48牛丸墨魚丸貢丸魚蛋，正常手工餃子$38皮薄餡靚，肉質鮮甜，唔會太大隻，成隻咬啖啖肉又滑鮮蝦雲吞$38大粒又彈牙，蝦肉新鮮好食仲特設多間vip 房間，私隱度高