雪ノ下 (已結業)

呢间甜品店一直都有喺朋友口中听讲话好好食，今次终于可以嚟试一试。餐厅唔算好大，有bar枱亦有普通位。客人直接去去收银处落单便可以，之后就可以安坐系自己位等店员送上甜品。我同朋友嗌咗一个刨冰、一份pancake同埋一杯咖啡。先讲讲咖啡，一向都钟意饮斋啡嘅我，叫咗Costa Rica Canet Bach呢款咖啡，除咗咖啡本身嘅香味，仲有好微嘅酒香。偏甘嘅苦味，唔会太strong，唔加奶同糖都容易入口。咖啡味刨冰，呢个刨冰咖啡味都算几浓，刨冰好绵，唔会食到好大旧冰，刨冰中间还有牛奶味嘅刨冰，舒缓到咖啡嘅苦味。抹茶味pancake，整个pancake都系由抹茶制成，所以pancake本身有少少抹茶嘅甘苦味。呢度嘅pancake有别于平时喺出面食𠮶啲，呢度嘅pancake有啲似松糕，比较有质感，唔会感觉好似食空气咁。而pancake面仲有红豆，同埋抹茶酱，能够中和返pancake本身嘅抹茶苦味。值得推介俾其他朋友嚟试吓。