影片
更多
2024-09-21
1754 浏览
Crepe Delicious📍湾仔皇后大道东200号利东街地下G26及F26A号舖星期四放工，喺港岛返工嘅中学同学专程过嚟揾我食晚饭，喺我公司附近嘅利东街打卡之后，我哋随便揾咗一间有得食甜品嘅餐厅，坐低倾吓偈，食吓嘢。好彩我哋去得早，因为我哋无事前预约，坐低大概半个钟内上下层都已经满座，迟一步都无得食！我其实一直都有留意呢间餐厅，因为我朋友好钟意食crepe，不过因为未夹到时间，所以今次就等我同中学同学试吓好唔好食先，之后再带佢嚟食！ 💰$138慢烤手撕猪肉可丽饼 🐖佢拣咗signature嘅咸crepe，内馅系慢烤手撕猪肉、红葱、灯笼椒丝同Mozzarella Cheese，味道其实同Pizza馅料有几分相似。我几钟意佢嘅酱汁，味道浓郁，十分惹味，crepe皮厚薄恰好，即使有大量芝士都唔会觉得太肥腻！ 💰$328法式焗波士顿龙虾 🦞中学同学出名爱食海鲜同牛排，但因为我唔食牛嘅原故，所以拣咗焗龙虾做main。呢只波士顿龙虾大只、肉厚，以法式方法烤焗，能锁住肉汁，亦更能将龙虾香气带出。以灯笼椒粒、蘑菇粒加上Parmesan、Mozzarella同Cheddar Cheese调味，焗完仲
📍湾仔皇后大道东200号利东街地下G26及F26A号舖
星期四放工，喺港岛返工嘅中学同学专程过嚟揾我食晚饭，喺我公司附近嘅利东街打卡之后，我哋随便揾咗一间有得食甜品嘅餐厅，坐低倾吓偈，食吓嘢。好彩我哋去得早，因为我哋无事前预约，坐低大概半个钟内上下层都已经满座，迟一步都无得食！
我其实一直都有留意呢间餐厅，因为我朋友好钟意食crepe，不过因为未夹到时间，所以今次就等我同中学同学试吓好唔好食先，之后再带佢嚟食！
[价钱 Price]
💰$138
慢烤手撕猪肉可丽饼 🐖
佢拣咗signature嘅咸crepe，内馅系慢烤手撕猪肉、红葱、灯笼椒丝同Mozzarella Cheese，味道其实同Pizza馅料有几分相似。我几钟意佢嘅酱汁，味道浓郁，十分惹味，crepe皮厚薄恰好，即使有大量芝士都唔会觉得太肥腻！
[价钱 Price]
💰$328
法式焗波士顿龙虾 🦞
中学同学出名爱食海鲜同牛排，但因为我唔食牛嘅原故，所以拣咗焗龙虾做main。呢只波士顿龙虾大只、肉厚，以法式方法烤焗，能锁住肉汁，亦更能将龙虾香气带出。以灯笼椒粒、蘑菇粒加上Parmesan、Mozzarella同Cheddar Cheese调味，焗完仲多咗几分芝士嘅香味，拌入蒜香意粉内食，更加滋味！
[价钱 Price]
💰$108
红豆抹茶忌廉可丽饼 🫘🍵
我相反点名要食甜嘅crepe，所以呢款口味由我话事。店员介绍时，特别highlight一个重点，只有「with gelato」嘅甜品名先配有一球gelato！考虑到佢好钟意食麻糬，我自己又钟意抹茶口味，所以我拣咗红豆抹茶忌廉crepe，配hazelnut gelato！
净系卖相已经好靓仔，四粒mochi整齐排好，里里外外都唧有抹茶cream同混入粒粒大红豆，crepe皮亦带有抹茶香味，整体甜度适中，加上乳脂较低嘅gelato，食落格外清爽。
Crepe Delicious出品嘅gelato严选意大利直接入口嘅食材，日日新鲜制造，比一般配方嘅雪糕更低卡、更健康，而且单点一球要$38，所以我会建议大家拣有gelato嘅crepe，感觉性价比更高！
[价钱 Price]
💰$38
升级套餐 🍽️
晚市提供以优惠价$38Upgrade Set Menu，可以选择汤或小食，再配送hot / iced tea，计落都几抵食。因为佢唔钟意食沙律同牛油果，所以我哋无拣到香烤鸡肉蔬菜沙律同牛油果酱藜麦多士，而系拣咗辣味香草炸鱿鱼圈，跟冻柠茶。
辣味香草炸鱿鱼圈 🦑
一份有炸鱿鱼圈五件，伴有少量沙律，卖相好醒神。金金黄黄嘅面衣包裹住爽口嘅鱿鱼，洒上香草点缀，大人细路都实会争住食。
张贴
