私家廚房 (已結業)

同瑜伽友喺康体会上完瑜伽堂，去邻近食肆林立嘅誉发广场揾嘢食，终于㨂咗啲间私家厨房。地方唔算大但布置得颇有心思,天花挂咗几盏巨大嘅水晶灯令光线充足，设计师用咗一幅幅布帘挂喺每间房门外。鱼缸内有生猛海鲜游嚟游去。Menu有多种菜式仲有煲仔饭，当然唔少得有生猛海鲜。呢味鼓椒炒纽西兰蛏子皇，鲜甜无比；配埋三色椒同洋葱一齐炒,真系最佳配搭。 加多个南乳粗斋煲，数落有五六样材料，䅗瓜、莲藕、豆卜、云耳、支竹同粉丝，味道淡口够健康。最后仲有碟菠萝赠送，虽然只得几块甜菠萝，但摆设够精致。