大井町日式放題 (已結業)

估唔到200多元就可以食到咁多选择的放题， 饮品款式多不在话下，而且仲有热饮，热饮柜内有热维他奶同埋茶类饮品，真系非常少有， 冬天嚟食就更加啱晒， 吧枱柜仲有几款自己斟的饮品，有蜂蜜柚子汁、苹果汁等等，净系饮品已经多到难以选择！除咗可以剔纸仔叫野食之外 ，仲有吧台食物， 主要有海鲜，好似海虾、青口和大大只的响螺 ，生果亦有很多款，甜品柜内的甜品款式又多又colourful,真的很吸睛!刺身款式几乎一般放题有嘅佢都有,而且样样都好新鲜，马刀贝爽口弹牙，好正。寿司就真系做得非常的骰， 不论系牛油果软壳蟹卷，鳗鱼卷物 或是和牛卷物， 以及一款水晶芒果虾卷，都做得相当精致， 尤其水晶芒果虾卷，口感就更加特别，好有层次，外皮 系水晶皮好精莹通透，食落好清新。炸芝麻鸡翅，有少少辣味， 但系 外皮炸得好香脆，食落香口惹味。烧牛舌都算几厚切，烧得香口，食落好弹牙， 有啲咬口，唔会干争争，好满足。盐烧大虾， 真系好大只，有成只手掌咁大，食放题有咁大只嘅虾，真系第一次见， 而且食落好弹牙好新鲜，唔会有任何霉嘅感觉，好好味!饭后生果，菠萝同蜜瓜都非常鲜甜，正好为呢餐放题解一解肥腻嘅感觉。