Four O Five Coffee & Eatery

营业中

休息中

今日谢师宴，到我请翻教我嘅同事去食好西。上Openrice做过吓功课，呢间响官塘成业工业大厦入面嘅Four O Five Coffee & Eatery超多好评，好味、抵食，兼且梳乎厘好出名。估唔到工厂大厦入边有间咁高格调嘅cafe，装潢设计颇有品味，令人有种别有洞天既感觉。我地叫左两个午餐share，佰几蚊一个set lunch 超抵食，有餐汤或沙律，主菜同餐饮。仲可以超优惠价加配梳乎厘。明太子蟹肉阔条面：每条阔条面挂满香浓醇厚的明太子酱汁和鲜甜的蟹肉，面条Q弹爽口，个汁微辣超creamy，非常惹味。慢煮牛面肉蚬壳粉：慢煮的牛面肉好淋同个烧肉蕃茄汁好夹，搭配弹牙的蚬壳粉，口感层次丰富。伯爵茶珍珠梳乎厘班戟：超巨型打卡一流，连珍珠都系大号😂伯爵茶浓郁而不会太甜腻，吃起来香浓绵密。吉士焦糖梳乎厘班戟：好松软、蛋味香浓，焦糖面层、焦糖爆谷好脆口，啱哂钟爱甜味之人。