愛 . 添 (已結業)

如果一大班人食甜品，我一定会推荐呢间爱添，本来唔清楚佢系一间甜品舖，但睇过佢嘅餐牌发现呢度有好多唔同款式嘅糖水，望落去都几吸引。由于睇到心大心细，问咗个店员，佢话呢度最出名最多人叫嘅系炙烧焦糖布蕾日式梳芙厘班戟，Oreo起司蛋糕巧克力流心日式梳芙厘班戟，果然佢哋冇介绍错，梳芙厘班戟竟然唔似其他甜品舖，要等好耐先焗好，等候时间比我想像中短，两个都配上一款雪糕，海盐雪糕卖相好吸引，带点浅蓝色有点像Tiffany Blue，不过略为有点咸过头，好似将成旧盐摆进口中。但是那个焦糖布蕾日式梳芙厘班戟，真的好像法式焦糖炖蛋，香滑幼细，奶打得好香！食落去有种莫名其妙的感动，配上雪糕真的甜到入心入肺。另外Oreo起司蛋糕巧克力流心日式梳芙厘班戟又是一个杰作，太美味了，卖相吸引加上流心效果，吃下去绵绵的，配上豆腐雪糕，更是画龙点睛。