春宵

营业中

休息中

周末收工后，去接女朋友收工，佢话佢想食火锅，忽然谂起同事推介湾仔𠮶间火锅店，春宵。想食咗好耐但未试过，今日就决定去试吓。去到𠮶度就见到好多人，好彩啱啱好有位俾我哋。间舖头装修得好前卫，仲有酒吧枱。我哋就开始落单啦汤底我哋拣咗【鲍鱼花胶鸡汤】，滋补养颜，成只鸡放入去熬煮，真材实料，完全无味精，食火锅都可以食得好有营养。梗系唔可以错过【A级安格斯牛小排（小）】，牛小排色泽鲜艳，涮一涮就即刻可以食。口感非常嫩滑，入口即化，真系享受。仲有【济州猪梅肉】，脂肪同瘦肉分布得好平均，涮一涮后口感更加一流，充满猪肉香味，令人难以忘怀。【拿破仑响铃】，食火锅必食嘅食材，涮几秒就可以食到柔韧口感，鲜美嘅汤汁喺口中散发出嚟。其他仲包括咗【泡菜烟熏猪腩肉】，烟熏嘅猪腩肉口感酥脆香滑，有烟熏嘅味道配上泡菜味，形成咗非常独特风味嘅一道美食。仲有就系【烟熏乳鸽】，原只烧鸽任你享用，香气扑鼻，皮脆肉嫩，食得津津有味。我哋叫咗一杯啤酒同Raspberry Soda，周末梗系要放松吓自己。