豪宴海鮮酒家 (已結業)

父亲节，时间够早唔使等位直入，酒楼够大，6个大人1个小，散叫食送。先来推介78蚊片皮鸭两食，78蚊咁抵，都预左只食其型，不食其髓。喂! 78蚊两个送，仲想点?意思下，味道唔差，入口ok，唯片得太大块，包皮又包唔哂，但一家大小去食仍然可以一试。至于第二食，与西芹一齐炒，不过不失，送饭够顶肚。好多人都深明一个道理，芝士龙虾伊面的精髓在于伊面，伊面吸收哂芝士与龙虾的精华，至龙虾味道如何? who cares? 反正我又唔系龙虾爱好者。仲有个什果咕噜肉，咕噜肉炸得脆，什果呢家野真系够新奇，点估到佢除左菠萝仲有咁多生果一齐煮，味道仍好。例牌烧肉，正正常常，但我唔知呢个份量叫唔叫做多。蚝饼有少少中伏，油唔够热，炸唔出个种脆。仲有蒜蓉炒白菜都系不过不失，唔太咸就比佢过关。呢碟蒸_ _其实无叫到，阿姐落多左，唔介意就照食，只系卖相唔够吸引。买单990，今时今日6+1人去食饭，算系合理价钱合理味道。