八屋 (已結業)

今日去咗食呢间餐厅，食完之后出到嚟嘅感想系，我呢世人都未食过咁难食嘅嘢。自问自己都系一个垃圾嘴，食咩都冇乜所谓，但今次真系难食到好夸张。我嗌咗一个拿玻里风情意粉，所谓嘅拿玻里风情就系罐头茄汁同埋肠仔，食落去嘅味道喺微波炉攞出嚟嘅意粉，另外同行嘅女朋友嗌咗个鳗鱼意粉，佢食嘅第一啖已经比啲骨哽到，我哋两个食完之后都互相望咗一眼，知道中咗伏。嘢食难食都算啦，买单两个意粉加一杯咖啡，加埋要$300几就嚟$400，第一次觉得宁愿食美心都好过食呢间嘢，依家嘅我食完好空虚，好难受。