港仔雲吞 (已結業)

楼下开左间新餐厅，次次行过都想食下，不过因为呢头有好多选择，所以一路等到依家先食。呢度主打鱼汤底粉面，同埋招牌云吞，咁就叫左两个云吞米线，上菜都算几快，服务都OKAY。个汤比想像中淡，鱼味唔浓，都唔似平时见到个种鱼汤咁奶白色，个人觉得麻麻地，同路边20蚊一碗个种差不多。云吞好细粒，入面有细只虾仔，猪肉似系肉碎，唔觉得有咩口感，但食得出系自家制，好唔好食就见仁见智啦。值得一赞系两条菜心好食，入口甜甜地。