真珍記 (已結業)

3日假期点可以唔出街🤪第一日去黄金买完野再喺附近食车仔面医肚。车仔面有成几十种𩠌可以拣，餐厅最特别系提供八𩠌或者十𩠌车仔面，啱哂唔知点拣但又咩都想试少少既朋友仔~谂咗一阵决定拣韭菜饺、秘制猪手同埋鲍汁花菇，面底系河粉，汤底配咖哩汁，再加多杯热柠茶。3样𩠌最欣赏系鲍汁花菇，原来成个制作过程一d都唔简单：花菇先浸一日令佢软身，再用生粉冲洗几次，咁就更滑更干净，之后先用鲍汁浸一晚至攞去煮。难怪花菇咬落软稔又多汁！韭菜饺系自家制，食落好有家的味道。至于猪手就有3块，煮得稔身，而且好入味，赞！饮品点咗热柠茶，两块柠檬都好新鲜。