影片
更多
2024-10-30
83 浏览
有时不禁惊叹香港omakase越做越出色，日本食材空运来港，个新鲜程度真系媲美日本当地一级鮨店。前菜太刀鱼卷、栗子甘露煮同鲷鱼明太子等砌到好似幅画咁靓，当中最钟意鲷鱼明太子，鱼肉新鲜又有咸香。碗物主角系木之子同烧秋刀鱼，即系菇菌汤，将两样秋天产物夹埋一齐，清新又浓郁。真羽太鱼味清新，配醋橘同紫苏花岩岩好，鲜美弹牙。樱岛间八油润透亮，有弹性、鱼油甘香，连我唔太好白身鱼都觉得好食。三重县甘海老色泽鲜明，大只厚实，一个字甜。北海道北寄贝系我见过最巨型，切成两半依然好厚啖啖肉。炸白虾酥脆好香虾味，𩠌酒一流。水八爪鱼一次过试哂两个部位，触须取中心最幼嫩位置，口感柔软。 我钟意吸盘配酱油渍wasabi够爽脆，系高级版嘅芥末八爪鱼。爱知县白见贝口感好似象拔蚌，不过更加厚身同鲜甜，要点盐黎平衡返个甜味。新鲜嘅筋子唔系成日都有，咬落去表面嘅膜好有回弹，用力「卜」一声爆开，近乎系平时台饮爆珠嘅口感，一试难忘。炸目光鱼好香口，鱼肉幼嫩，听讲头最好食所以好期待，真系好甘香，食落完全冇渣冇骨，超越左香鱼系我心目嘅地位。海老真丈用左富山县白虾，水润幼滑，比豆腐、鱼腐更加软滑，虾味清甜。静冈金目鲷轻轻烫过鱼皮，完全
前菜太刀鱼卷、栗子甘露煮同鲷鱼明太子等砌到好似幅画咁靓，当中最钟意鲷鱼明太子，鱼肉新鲜又有咸香。
碗物主角系木之子同烧秋刀鱼，即系菇菌汤，将两样秋天产物夹埋一齐，清新又浓郁。
真羽太鱼味清新，配醋橘同紫苏花岩岩好，鲜美弹牙。
樱岛间八油润透亮，有弹性、鱼油甘香，连我唔太好白身鱼都觉得好食。
三重县甘海老色泽鲜明，大只厚实，一个字甜。
北海道北寄贝系我见过最巨型，切成两半依然好厚啖啖肉。
炸白虾酥脆好香虾味，𩠌酒一流。
水八爪鱼一次过试哂两个部位，触须取中心最幼嫩位置，口感柔软。 我钟意吸盘配酱油渍wasabi够爽脆，系高级版嘅芥末八爪鱼。
爱知县白见贝口感好似象拔蚌，不过更加厚身同鲜甜，要点盐黎平衡返个甜味。
新鲜嘅筋子唔系成日都有，咬落去表面嘅膜好有回弹，用力「卜」一声爆开，近乎系平时台饮爆珠嘅口感，一试难忘。
炸目光鱼好香口，鱼肉幼嫩，听讲头最好食所以好期待，真系好甘香，食落完全冇渣冇骨，超越左香鱼系我心目嘅地位。
海老真丈用左富山县白虾，水润幼滑，比豆腐、鱼腐更加软滑，虾味清甜。
静冈金目鲷轻轻烫过鱼皮，完全冇火炙之类抢味嘅做法，简简单单食到鱼油香。
帆立贝用昆布腌制，有淡淡香气，帆立贝好柔软，唔算好厚但鲜味浓郁。
九州大分关鲭鱼油份高，紧致厚实，回味无穷。
福冈枪鱿鱼新鲜爽甜，有少少紫苏叶提鲜。
北海道秋刀鱼令人忘记至今食过嘅秋刀鱼，好似师傅咁讲，呢个唔岩食嘅话即系秋刀鱼唔岩你，因为佢已经系最新鲜嘅版本，我钟意，好滑好油，鱼味浓但唔腥。
特上中拖罗油花十足，同日本食到嘅大拖罗冇分别，滑嘟嘟极香。
蛇腹大拖罗卖相同肥猪肉冇分别，非常诱人，鱼油爆棚完全冇筋，唔洗点咬就吞到，系今晚数一数二喜爱嘅寿司。
酱油渍赤身用左矜贵嘅天身，够新鲜完全冇血味，系好纯粹嘅吞拿鱼香，比起平时较常食到嘅拖罗留下更深刻印象。
今晚有口福，一次过试左厚岸同根室海胆，前者较清甜，后者就似加拿大海胆浓味啲，各有千秋，重点系师傅毫不手软俾左大量海胆，开心。
张贴
