魚眾不同酸菜魚 (長發廣場)

营业中

休息中

之前冬天黎过呢度食过花胶鸡米线觉得几好食，今日放假就同队友黎食佢个招牌菜酸菜鱼，呢度地方阔落，装修落过心机，屋村商场黎讲佢都几落本。食物方面除左招牌既酸菜鱼之外，仲有炒饭同港人最喜爱既火锅，而我地今次叫左两款唔同辣度既一人份系列同两杯特色饮品。份量都几多，完全唔惊唔够饱。青花椒酸菜鲈鱼薯粉-每个一人份可以免费拣两款菜，呢个我拣左娃娃菜同莴笋，啲菜索晒啲汤汁入晒味，香辣惹味，鲈鱼好滑好好味，薯粉弹牙得黎唔会咬唔烂。老坛酸菜牛肉米线-而呢个我地就拣左大豆牙同金针菇，份量都几多，有好多金针菇，成碗都系𩠌，惊辣嘅可以唔食辣都得㗎！菠萝梳打特饮/咸柠七-食完辣嘢，饮返杯冻饮，消暑又解辣。