豚道樂 (百合苑商場) (已結業)

今日去红馆睇演唱会，记得之前行黄埔见到开左个九号水产，所以就早啲去食左晚饭先。入到去都有四五间餐厅选择，六点人流不算多，最后拣左食拉面～呢间豚道乐唔系开放式厨房，所以睇唔到拉面师傅嘅即场制作。左右两排吧台，而一个就有个空间畀侍应上菜～每两个位有冻水，调味料，仲可以自己磨芝麻每一碗拉面都可以各自选九州系直面或札榥系曲面，另外有部份特上拉面系逢星期五六日限定，特上拉面会有哂两块猪肩肉同猪腩肉，仲有两块紫菜同半粒糖心蛋～我就叫左五六日限定既特上海老汤拉面，面就拣左曲面，贪佢够弹牙同挂汤。汤底非常浓郁，里面有好多樱花虾，每饮一啖汤都会食到。叫得豚道乐就紧系要试下啲豚肉，猪肩肉较瘦而切得够薄，而猪腩肉就肥瘦均匀，烧得好香。我男朋友就试左特上日本芥末拉面，一上黎就见到成碗青bb嘅汤，望到都觉得攻鼻。佢要左直面因为想无咁挂汤，但啲面都已经煮到全部变左青色！个汤一食落其实无想像就咁攻鼻，香得黎又有少量呛鼻感，都几夹。但系食多左就一路keep住攻鼻，我男友都有啲顶唔住，好刺激～糖心蛋既流心感不俗，味道可以中和一下芥末啲刺激感～另外叫左个炸软壳蟹，新鲜炸出，好脆口～最后见唔少人都叫左呢种梳打，所以都叫左黎