豚道樂 (百合苑商場) (已結業)

聽講呢間鋪頭就嚟執 我好多朋友都話可惜 所以就同男朋友嚟食我就叫咗個海老拉麵 佢張紙有好多options 揀（有冇蔥 要唔要辣 曲定直麵）我揀咗 直麵 有蔥 要辣醬加咗16蚊要個特上 可以有多半隻溏心蛋 2塊紫菜 2舊叉燒 （呢個好抵 平時啲拉麵鋪加兩塊叉燒都4x蚊🙂‍↔️好過去搶）海老拉麵上咗都幾靚仔 櫻花蝦同啲蔥呀辣醬叉燒都擺得整整齊齊 食拉麵對我嚟講就係一定要試湯先嘅呢個湯飲落去第一啖係合格嘅 有蝦湯嘅咸鮮味同埋櫻花櫻食落去有脆脆嘅口感可惜食到最尾覺得可以淡少少溏心蛋係有流心嘅～辣醬唔辣🤣撈完食唔出紫菜都脆 叉燒有兩款 豬肩同豬腩 我鐘意豬腩多啲但個麵質我自己覺得曲麵好似麻麻地 再食我會揀直麵Ps 呢個拉麵係冇荀 總結嚟講我覺得呢間值得更多關注嘅拉麵鋪 可惜就執 希望可以再開啦

唔記得幾時bookmark咗這店, 經過附近就來試下 食物 : 持上魚介豚骨拉麵 $106, 特上原味豚骨拉麵 $94 ~ 湯底味道唔錯幾濃, 食完唔會口乾, 义燒好大塊好淋, 麵質幾好唔會過淋, 大大碗一定夠食 飲品 : 店內有冰水供應 環境 : 店內是日式拉麵裝修, 舒服乾淨 服務 : 職員有禮貌 價錢 : HK$200 (無加一服務費)

呢道「邪惡雞脆皮雞白湯」係間今期限定, 所以我一於嚟試吓！餐廳嘅裝潢採用木質吧枱,配合簡約嘅風格, 以紅黑色調為主, 講真有少少日本一蘭拉麵嘅feel。首先要讚下佢嘅湯底,好鮮美濃郁, 不過可能因為我食開清淡野，對我而言有少少太重味。豬肉同雞蛋都好嫩滑夠味,而且份量十足。其中「糖心蛋」更係亮點所在,蛋黃熟度正好,同湯汁和諧融合。另一大賣點係佢嘅「邪惡脆雞皮」,炸到酥脆入口可以聽到聲,口感極佳。加上雞皮本身嘅濃郁香味,令整道菜式嘅層次感提升唔少, 沾少少湯再放入口仲正！不過,偶爾都有少少略微乾硬嘅情況,但只係個別情況。總的嚟講,呢道「邪惡雞脆皮雞白湯」確實值得一試,食客一定唔會失望。性價比都幾高,大份量嘅分量加上優質嘅材料,係一道好唔錯嘅日式comfort food。雖然都有少少缺點,但整體體驗仍然相當不俗,值得給4星好評。

今日無聊。睇完拉麵赤貓，心思思想食拉麵。紅磡呢頭嘅話，一係拉麵天王，一係就係呢間喇。記得有一排成日想食拉麵，呢兩間都係有去過。不過剩係豚記我有印象返啅好幾次。一時又唸唔起點解。今日去，回憶返晒黎。真係唔會點出事嘅舖頭。雖然我覺得貴（基本上香港所有拉麵我都係覺得貴，因為我同前輩呢啲cheap精去大阪食親唔會超過1000円），但係水準真係保持一貫。食拉麵我通常都係曲面，呢間唔記得點解我潛意識都係揀幼麵。我應該以前比較過係幼麵好食啲。簡單講，穩陣真係呢間。（P.S. 唸起點解唔去拉麵天王喇！主要係外面等夏天好難頂。豚記起碼係商場內有冷氣。不過多人嘅時候都要罰企半個鐘。）

豚道樂 📍紅磡黃埔天地百合苑商場(第9期)地下九號水產G2號舖Lunch hour經過幾次都見到好多人排隊，原來八月中已經要結業，所以今次堅持排落去，等咗一個鐘終於有得入！🍜🥟⭐️伊勢海老龍蝦豚骨拉麵 $98用咗龍蝦🦞+蝦 🦐 熬製而成湯底超級濃郁同香甜，飲落完全係龍蝦忌廉湯嘅味道🤣 裏面有一嚿法包仔、日式叉燒 、豚肉、菜、仲有超好食嘅糖心蛋（好甜✨）而麵條係preset左中太麵同軟硬度，冇得揀的平時出邊百幾蚊一碗嘅拉麵剩係得一片肉，呢度份量真係多好多🥹⭐️魚介豚骨拉麵 $90 +$16轉極上(多塊肉、多兩塊紫菜、同埋多半隻蛋)呢個面又係超級濃郁，揀咗曲麵同埋加咗少少辣醬，湯底超厚身同濃味，有啲似食緊沾麵🤣裏面除咗有筍，仲有超級多蔥，望落同食落都好好食！🥹⭐️蒜蜜叉燒片3片 （肩） $26因為怕腩肉好肥，所以揀咗肩，完全冇揀錯！佢嘅肥瘦程度對我嚟講啱啱好，再加埋甜甜地嘅調味，想encore⭐️日式餃子5隻 $38喺今日食嘅嘢入邊算係比較普通，白菜豬肉餡，煎出嚟都有冰花面幾靚，但係略嫌有啲太過濕整體嚟講所有嘢都好出色，希望可以喺佢結業之前再食多次，好嘢係值得排隊食的！PS.八點去到已經冇晒墨魚咀

豚道樂 (黃埔天地店)特上龍蝦湯拉麵 $98 + $16 特上食左幾啖 覺得幾特別至影相 想介紹比大家😂龍蝦湯幾濃郁 再加左$16 叫特上 會有多2塊紫菜同半隻糖心蛋同炙燒腩肉 糖心蛋好好食 食得出係用左日本蛋勁豐富 cp 值超高👍🏻👍🏻肥豬話如果餐廳加埋龍蝦碎就更加好 再叫左個炸物拼盤 $78 加埋佢個醬 成件事好夾 佢個皮唔厚粉 最唔鍾意食好勁妝既炸物 不過食到尾就好飽 食唔晒了 拉麵太大碗😂就黎汁啦 見到仲有好多人幫襯～～環境衛生 🐽🐽🐽 食物質素🐽🐽🐽🐽服務態度 🐽🐽🐽價錢$$： 人均 $100 左右📍地點 ： 豚道樂 (百合苑商場) (紅磡)紅磡黃埔天地百合苑商場(第9期)地下九號水產G2號舖#hkfoodie #hkfood #約會餐廳 #拍拖餐廳 #拍拖好去處 #香港美食 #香港foodie #hongkongfood #hongkongrestaurant #hongkongtravel #香港打卡餐廳 #香港 #情侶好去處 #生日餐廳

食左幾年豚道樂，之前都未試過等位，近期有消息指八月執笠，尋日聽同事講話2點去到都要排隊，所以今日得登早啲過去食。12點05分去到見到入面坐滿，門口有張4人枱未有人坐，職員叫我等等，我就以為門口張枱唔坐客，點知隔左半分鐘，4個大陸女人黎到就自己坐低左。下？我問職員點解？佢話因為佢地4個人，咁你早講啦，我搵2個人搭枱咪得囉，呢間餐廳有隔板架麻。個職員態度唔係好，然後反問返我想點，我話想呢幾個人起身去排隊，之後佢搵左另一個職員出黎，然後就同我講佢地打左黎訂枱。我都廢事查證，我亦無同呢幾個女人講野，反正我最後企左廿五分鐘等位！（係！我犯賤，咁都仲要響度食。。。）我食飯時間有限都企響度等，除左因為附近無乜野好食，就係因為呢度拉麵係好食既。呢度個芥末湯底真係好好味，好濃郁，三塊叉燒都幾大塊，而且午市免費替玉好大個麵底，$101好似食左2人份量咁。不過餐牌寫住送小食，問職員就話師傅整到有就有，無就無，即係無啦，講到懶係玄咁。.其實執笠唔係無原因，食物有質素，價錢唔算貴，但服務態度西真係一大因素令我唔想再黎食。早幾個月前同朋友黎食晚餐，當時入座率得一成，個店員掛住玩電話，服務態度係零，十問九唔應，我朋

第一次食豚道樂喺荃灣分店，而家剩返黃埔呢一間，黃埔呢間嚟緊八月都會執，所以趁佢執之前要再嚟食最後一次🥲❤️❇️原味豚骨拉麵（$78）➕轉特上（$16）轉得上之後會有多兩塊紫菜，一塊豬腩肉，溏心蛋半隻，面嘅種類我揀咗曲麵，因為曲麵可以最大程度吸收湯汁，令每一啖都有豐富豚骨湯味，硬到揀咗普通，上嚟嘅時候有啲偏硬，不過食到最後其實就啱啱好，今次嚟到覺得個湯底比起以前係比較偏甜啲，個人比較鍾意以前鹹啲嘅湯底口味。❇️炸軟殼蟹（$50）軟殼蟹得一隻，份量比得好少，勝在炸得夠脆夠香，食拉麵再配返啲香口嘅嘢係零舍好味😙希望老細唞一唞之後可以再開返呢間拉麵舖，如果再開嘅話會繼續幫襯！

这家拉面店味道真的很绝点了一碗黑蒜油拉面，汤底蒜香味和香味好浓郁，面条吸收了汤汁，口感很丰富，不用去🇯🇵也能吃到正宗的拉面简直不要太幸福了！配料都好足，有叉烧 溏心蛋 ，点餐环节是，自己拿张纸，第一步选自己想要的面，有曲面直面可以选，我选的就是曲面，之后就是选汤底！选完这两样就恭喜你，可以等上餐啦！朋友话食完呢碗拉面，种种滋味，百转千回，一碗拉面入魂🤣第二碗就是鸡白汤拉面，把汤喝完了，这碗也是配了4大片肉，一个溏心蛋，还有一些配菜，葱 芽菜！后来才发现，原来鸡白汤是期间限定，它是乳白侬稠，喝起来不会感觉很腻，面的份量也很足，我们还配了两瓶山梨白桃🍑苏打，这两瓶饮料也挺好喝的，哈哈哈，可能是我平时在外面没怎么喝过这些，看餐牌介绍，是🇯🇵运过来的！最后，要表扬👍一下这家店的服务，我跟朋友坐下我们不知道怎么点餐，店员就主动走过来跟我们介绍，还问我们能不能吃辣！给我们介绍它家的拉面，位置也很宽敞，设有吧台座位和普通桌子，一个人也能去吃拉面！

黑蒜油拉麵💲85今次揀咗曲麵，幾鍾意呢個口感，湯底濃而不鹹，好濃黑蒜油味😋一大塊慢煮和炙燒叉燒，口感和味道非常好👍🏻每次嚟必食的炸軟殼蟹💲50軟殼蟹好食，有肉汁唔會炸到乾晒，個炸漿夠薄夠脆🤤

黃埔原來都幾多嘢食，多嘢食到都唔知食啲咩好🤣 上網sᴇᴀʀᴄʜ到呢間拉麵店，見到啲ᴄᴏᴍᴍᴇɴᴛ都好極端，所以就抱住死都唔信邪嘅心過去食🫣 去到個下早到成間拉麵店得我哋嗰台客，識揀一定揀吧檯最有風味🥰到晏多少少就坐滿人了🤏🏻 呢間拉麵店有驚喜要加分😆1️⃣ 雞白湯拉麵🐓呢個真係必嗌必嗌必嗌‼️ 呢個湯底真係好sᴜʀᴘʀɪsᴇ💢 因為呢個雞白湯係極之濃郁，唔會好膩，完全係可以當水飲嘅湯底😆 呢款揀咗要直麵，比較幼身～ 而入面嘅肉煮到好軟淋，食落好滿足✨2️⃣ 黑蒜油拉麵🧄鍾意蒜味嘅要揀呢個啦，因為好重蒜味好正😍我就揀咗要曲麵同埋著通嘅硬度，食落唔會太淋～ 而且加咗辣醬，令到呢個黑蒜油湯底嘅味好出🫣呢個麵仲有兩件大大塊嘅肉、一大扎新鮮嘅蔥花同脆脆嘅炸蒜，撈埋一齊食好ᴍᴀᴛᴄʜ🥹🥹3️⃣ 炸紫菜墨魚咀🦑墨魚嘴真係超級有咬口，份量都唔少㗎😍每粒墨魚咀都有好香紫菜味，仲好貼心咁有檸角，唧啲檸檬汁落去即刻清新咗😋

好少黎呢頭食野, 小篇路經呢間日式拉麵店, 咁岩見到唔洗等位, 於是心思思入去try 下,叫左碗黑蒜豚肉拉麵, 發現有d 驚喜wor, 湯底濃郁,麵條可揀軟硬度, 日式豚肉又夠大塊, 好味到成碗食晒, 不過呢到signal 真係收得mama, 建議大家想要上網就要問店員拎wifi 同PW!呢間值得再翻兜!

口痕想食拉麵🍜，大家不時都會。話明口痕即興食都當然唔想排隊，經過黃埔見到有間拉麵店---豚道樂，一於試一試！老實講我就覺得麻麻地。首先呢個湯頭味道普普通通啦，冇咩驚喜🥴，而且唔夠熱😐。湯底一唔熱呢，成碗麵呢就唔夠香，吸引力就大減😒！塊豬肉非常粉紅🤔，睇落去都係未熟，我自己就唔係太鍾意食呢啲所謂慢煮豬肉！叉燒呢就唔錯，幾香食落又有啲油脂😝。以價錢質素嚟講呢，性價比真係唔高😶，我都只係因為經過黃埔想食拉麵，見到有就試下！我應該都唔會食多次，大家要唔要試就自行判斷🤐！我呢就唔係拉麵專家，不起勿插，多謝。

雞湯香濃，係我會有衝動要啪哂啲湯嗰隻。碗麵有豬叉燒+雞叉燒（雞卷片），餓嘅話加小食，啲炸物同其他叉燒都不錯。坐得亦舒服。我係雞白湯迷，呢邊論碗麵同論環境舒適度，都一定好過同區排大隊嗰間，放工後一個人慢慢嘆返碗先返屋企，大滿足❤️

初五開工日係黃埔做野Lunch想食拉麵醒起附近有間豚道樂見佢有期間限定嘅雞白湯拉麵一於就食佢啦雪白嘅湯頭口感豐厚但唔會好漏喉隻流心蛋好正豬肩肉爽口我like塊腩肉我自己唔中意咁甜 但肥瘦相間好食