名朝特色火鍋 (已結業)

天寒地冻，最啱就系一班人打边炉。讲到打边炉...就谂起之前去名朝食过，非常好食，值得再去！除咗打边炉，仲有刺身，仲有最正既系甜品同小食好似自助餐咁自己出去拎，唔使等！刺身质素相当高，我最爱嘅三文鱼非常厚肉肥美，甜虾同虎虾鲜甜冇雪味，朋友中意食虾，丧吃不停！黑䐁肉肥瘦相间，肉质滑嫩，肉味浓郁，啱晒食肉兽！打边炉点少得丸呢？！宜间火锅店火锅配料好丰富！蟹子丸、白鱼蛋、龙虾丸、芝心丸...应有尽有炸响玲非常脆，烚两下就食得，方便快捷又好味！听职员讲宜间餐厅既响玲系每日自家制的！粉面类种类非常多，出前一丁就已经有四种口味俾你拣！除左出前一丁，仲有乌冬、拉面、幼面等等...多到成个超级市场咁蔬菜都系自己出去雪柜拎，全部都唔差，冇烂叶！啤酒汽水任饮，真系非常抵！心太软即叫即整，绿茶味浓甜。但就冇绿茶既茶涩味，个人就觉得失色左啲