黑木亭-お食事処 (玉成大廈) (已結業)

尖沙咀嘅黑木亭😝本身已经好出名，原来元朗都开咗新舖头，入面装修好靓有日本嘅感觉，龙虾三食$1399 入面有好多嘢食。寿司大满贯用嚟打卡真系一流，个木架好靓🤓三文牛油、吞拿鱼蓉腌萝卜、三文鱼子海胆、黑松露鱿鱼、牡丹虾、三文鱼蟹子反卷、拖罗，全部都好靓好大件！波士顿龙虾刺身真系好惊喜！龙虾刺身好爽口，就咁食细细啖已经好好味。龙虾粥同样都系好出色，佢哋啲粥煲得好棉，有少少菇、红萝卜丝，感觉好健康。龙虾刺身拆咗个壳，将佢熬成粥，好香，食埋啲龙虾肉。龙虾钳蒸蛋好滑入面，仲有其他海鲜，真系好鲜味好好食，会再返转头！