緣聚西日餐廳 (仁愛堂圍) (已結業)

食放题唔叫返3,5,7次刺身又点叫做食放题呢~ 呢间绿聚刺身好新鲜, 特别系象拔蚌!! 钟意食三文肉的又可以疯狂落单, 佢有只三文鱼腩都唔错, 口感一流, 唔怕肥可以食多几件! 其他仲有油甘鱼、甜虾、带子, 都系平时必食之选!!虽然食寿司有饭会饱肚, 但我都想试下其他款式, 好似炙烧左口鱼, 入口即融, 肥美到一个点!!! 其他寿司上都加了少许黑松露酱、蟹膏….唔同的酱料, 食落又同刺身比系另一种感觉。雪条有韩国的MELONA, 4只味, 我最爱食哈密瓜味!! 几饱都要留肚食~食放题都系睇重刺身水准, 我觉得贵精不贵多, 只要我爱食的都有就得~