丼吉日式吉列豬排專門店 (新城市廣場一期)

营业中

休息中

口罩令撤销后，饮茶特别多人，都系落去试吓呢一间吉列，我多数去尖沙咀𠮶间食，呢间第一次，一于试吓啦。1:00门口已经有人排紧队等叫飞，好彩啱啱有几台客走，我有卡位坐，你个点餐先，店员首先奉上热茶，服务几好，介绍今日刺身好靓，好啦一于叫一个刺身食，炸软壳蟹，大车海老及大带子。唔使10分钟，美味靓刺身送上，牡丹虾好肥美，海胆有甜味，带子有口感，油甘鱼靓，吞拿鱼十分新鲜，整体嚟讲满分。我问店员可唔可以加钱炸虾头，店员殷勤地帮我攞去厨房炸，好快脆就连埋软壳蟹一齐奉上，软壳蟹同炸虾头要即刻食，软壳蟹松脆，有蟹膏味，炸虾头炸到连壳都食得，一样虾膏味十分重。大大大车海老同大大大带子终于上枱，车海老肉质结实，啖啖虾膏味，配上他他酱真系绝配，刺身及带子用来做吉列，口感真系唔同，真系要食多两碗饭，啊唔得，要食返多少少椰菜先至得，呢度啲椰菜可能浸洗得好，完全冇苦涩味，都可以食到配上紫菜汁食，食菜都食到饱啦，好彩呢度菜同饭可以免费refill。嚟个结尾，够热嘅玄米茶同冻西瓜，清清个嘴， OK OK。呢一间同尖沙咀The One𠮶间都一样好食。