大一海鮮火鍋料理 (已搬遷) 新店位置

星期日系好朋友生日，佢话想食好野，又要系尖沙咀食，一早约左朋友仔上呢间第一海鲜火锅平时去打边炉其实好少食刺身，因为感觉好参次！朋友话今日想食刺身，所以我地就决定一试！上到台见到好似好新鲜咁，我地先食拖罗，哗！咩料！好好食，劲新鲜！牡丹虾超级新鲜，而且一啲腥味都冇！劲爽口，原来侍员话系新鲜即㓥，正！吞拿鱼都系劲新鲜！我地想清清地，所以叫左鱼汤汤底。有劲多海鲜，意想唔到。我地先饮左个汤同食左海鲜先，汤好有鱼味，好饮！大大只蚝，海鲜新鲜！饮饮下汤侍应拎左个炸野过来，我地以为搅错，原来系头先牡丹虾个头，完全唔会浪费好野，好香口！黑松墨带子饺，大大只！而且黑松露味劲香，同埋真系见到有带子牛丸同松露芝士墨鱼丸，牛丸食得岀系靓野，劲弹牙，芝士松露墨鱼丸朋友劲赞，话好好食，材料劲多！有好多芝士同墨鱼粒顶级手切肥牛，我地2个女仔系到狂食，因为比普通肥牛好食好多！食左咁多肉，就紧系要食返个菜清一清啦女皇粉，个名好有气势，可惜我地食得太饱，食唔晒个粉，但其实系好好食的