和歌山 (已結業)

上两星期在美丽华食四方去鼎泰豊既路上， 见到装修唔错既WAKAYAMA, 望下午市装牌， 熟食定食约$78起， 有刺身既定食就由$88起。就讲好揾日帮衬。今日再黎， 就系外面玻璃见到和歌山三个字， 先知原来间野系叫和歌山。我叫了个三文鱼+野菜乌冬定食。等了一会， 侍应将下面个盘车埋黎。穿左个大窿， 要我问佢， 侍应先补句话：三文鱼后上， 食住乌冬先。乜日本野唔系应该上刺物寿司先架咩。讲点食物， 沙律普通货。 个汤唔够热+淡。蒸蛋睇上去干争争咁， 不过食落去都唔差， 虽然唔系水汪汪， 但都算滑， 同足料。野菜乌冬就清汤类似木鱼汤果只味。普普通通， 不过乌冬系令野， 类似稻庭风乌冬。饱左一大半三文鱼终于到。有2件寿司+3片刺身+2件花之恋。讲真净依碟野都值返$70-80。仲要系肥三文鱼。除左粗果条白色脂肪外， 你见到d肉入面都系一丝丝一丝丝白色脂肪。以唔系腩位而言， 佢d刺身真系好肥美。大推。至于点解我会比ok而唔系笑脸呢？因为个定食盘上面有只虫仔（下图慎入）希望只系我中头奖， 而唔系店方卫生问题啦。