影片
更多
2017-11-01
123 浏览
呢间放题既选择有成过百款，今次固之然未能一一试尽，就攞我试过，觉得比较啜核既一部份嚟同大家分享一下。刺身既选择好大堆头，一共有成十几款，系咁咦拣几款一人一旧，都已经有一大盘；三文鱼刺身肥大肉厚，望望餐牌写住嚟自挪威，食得份外放心；甘海老刺身十分鲜甜，系食得出既虾味；泰式虎虾刺身就爽口弹牙，个泰式酱汁十分正宗，酸酸辣辣非常开胃；鲍鱼刺身就充满咬口，细佬猛话好食。芦荟鲜柚沙律，呢度有放题少见既芦荟鲜柚沙律，食芦荟可以延缓衰老，强化胃功能，增强体质，提高肝功能，抑制癌细胞增生，防治风湿病及关节炎等功能，加埋鲜柚既清甜又生津，绝对好味又有益。香芒花之卷，花之恋就食得多，有旧芒果喺上面咁有创意就真系未试过，花之恋本身因为有少少沙律酱既关系，一般都比较juicy，如今呢个仲有埋芒果既甜juice，仲要系拣手靓芒果，一啲都唔觉得酸，令到整个口感都有所提升；另外发现原来芒果同三文鱼都做到朋友故㖞，佢地夹埋一齐都几好味。露荀豚肉串，露荀十分幼嫩，喺烧香既豚肉包围之下味道更香，半肥瘦既豚肉喺呢一串串烧嚟讲尤为重要，令一整串串烧都生色不少。牛油煎珍宝带子，厨师将带子嘅熟度掌握得恰到好处，真正煎得外脆内软，里
呢间放题既选择有成过百款，今次固之然未能一一试尽，就攞我试过，觉得比较啜核既一部份嚟同大家分享一下。
刺身既选择好大堆头，一共有成十几款，系咁咦拣几款一人一旧，都已经有一大盘；三文鱼刺身肥大肉厚，望望餐牌写住嚟自挪威，食得份外放心；甘海老刺身十分鲜甜，系食得出既虾味；泰式虎虾刺身就爽口弹牙，个泰式酱汁十分正宗，酸酸辣辣非常开胃；鲍鱼刺身就充满咬口，细佬猛话好食。
芦荟鲜柚沙律，呢度有放题少见既芦荟鲜柚沙律，食芦荟可以延缓衰老，强化胃功能，增强体质，提高肝功能，抑制癌细胞增生，防治风湿病及关节炎等功能，加埋鲜柚既清甜又生津，绝对好味又有益。
香芒花之卷，花之恋就食得多，有旧芒果喺上面咁有创意就真系未试过，花之恋本身因为有少少沙律酱既关系，一般都比较juicy，如今呢个仲有埋芒果既甜juice，仲要系拣手靓芒果，一啲都唔觉得酸，令到整个口感都有所提升；另外发现原来芒果同三文鱼都做到朋友故㖞，佢地夹埋一齐都几好味。
露荀豚肉串，露荀十分幼嫩，喺烧香既豚肉包围之下味道更香，半肥瘦既豚肉喺呢一串串烧嚟讲尤为重要，令一整串串烧都生色不少。
牛油煎珍宝带子，厨师将带子嘅熟度掌握得恰到好处，真正煎得外脆内软，里面嘅带子肉仲相当弹牙，配合淡淡嘅牛油味同埋面头少少嘅七味粉，唔错。
香草羊鞍，羊鞍嚟到既时候仲滋滋作响，一啖入口羊味爆发，丰富既油脂令口感更加丰腴，加上面头恰到好处既露丝玛莉，风味一绝。
益力多，估唔到呢度仲有我嘅至爱益力多饮，放题嚟讲都可以话系第一次见。
牛乳奶冻，牛乳奶冻有住淡淡既奶味，口感十分滑溜，的的骰骰，食到好饱都仲可以啪多个。
张贴
