掌壽司 (已結業)

旧同学澳州返嚟，我哋想揾个地方坐得舒服啲啲倾下计。同学大部份都系观塘区返工所以就book咗呢间。有人食过lunch几抵食，咁就二话不说就book咗位啦。工厂区有去开outlet嘅都唔会陌生好容易揾。去到啲环境系有装修嘅，安排左我哋坐大枱。同学仔一打开本Menu唔识叫，因为见到多数都系二人份多，同埋附近𠮶啲都系二人情侣⋯⋯我地一行六人，仲要其中一个孕妇无乜野食得⋯⋯都系叫啲大路野。时令刺身拼盘，都系外国送来啦有乜分时令吖。刺身都好新鲜嘅吞拿鱼（唔是腩）、三文鱼（几厚）、赤虾（都大只既）、带子（切左片既🙄）、油甘鱼每样三件，叫咗个和牛寿喜烧⋯⋯牛肉12片连温泉蛋两只，果然系二人份😅不过个煮法就唔系正宗喇，成个煲都无野点烧呀，汁又唔同味，似火锅多啲。叫咗个香葱吞拿鱼腩赤虾卷，得四件唔够分啦哈哈卖相靓既，刺身新鲜都唔会难食既。仲有个皇帝蟹鳗鱼卷，都系得四件，鳗鱼完全抢晒啲皇帝蟹肉味，唔讲唔知有蟹肉浪费左贵食材。鸡泡鱼干都系买现成番热嘅无特别。烤物南瓜蕃薯天妇罗正常味，鸡软骨都系唔特别叫无乜油既，炸鸡翼四只唔够分我无食🙄倾计就好够静（我地都无嘈架），1030关门转场再食。门口见到lunch me