鮮道樂 (已結業)

今日同朋友一大清早去咗元朗打波，跟住就一齐去食饭，我哋经过西菁街见到呢间鲜道乐门口个餐牌几吸引，就入咗去食午餐。午餐嘅选择都唔少㖞，有平有贵，不过我好日都唔入元朗，今日就食贵少少。我哋叫咗两个餐，包前茶，味噌汤，同汽水，如果想要其他饮品就要加钱。火山井，真系好大碗，海胆无鯹味，三文鱼子粒粒胀卜卜，吞拿鱼不错，还有三文鱼等。杂锦刺身定食，配紫菜珍珠饭，个饭好好味呀，刺身有三文鱼、海胆、带子、大虾、油甘鱼、剑鱼腩，刺身好新鲜，只虾仲超级大只！星期六去食竟然都唔使加一，抵食。