家嫂一家大小

营业中

休息中

预订了5点到7点时段，去到只有2台客。 坐低开始上小食，炸茄子，虾多士，冻食辣蚬仔，味道一般般，可以skip。慢慢地终于上刺身船，打卡一流，但三文鱼、带子、油甘鱼、墨鱼片都鲜味欠奉，海胆还好，鱼子酱得个咸字，非常失望。鸡煲反而无过咸😂，正正常常，只有几片猪皮做配料。等了一阵先上火锅料，有珊瑚蚌、鲍鱼、沙白、虾🦐、鳝片、蚝🦪、脆肉鲩片、云吞和肉丸、蔬菜蓝、炸鱼皮枝竹、牛肉一碟。 海鲜无预足人头数，有部分只够一半人份量。都系老问题，海鲜无咩鲜味，蚝只有腥味，沙白真系好多沙🤣。 云吞肉丸类系下价酒楼中午蒸点心水平，竟然系山竹牛肉的味道质地🤣。牛肉唔系特别靓，有些许牛味可惜有啲韧，要食完牛，问侍应先有得上豚肉，呢碟反而好过牛，肉质松软啲。蔬菜蓝，劲多唔知咩瓜，菇🌽都无条上完猪肉，侍应已经话last order 😅，不过野食一般，都无野想叫。全晚其实无出现过餐牌，餐厅根本唔预你 reorder 火锅料，客人只能逐样问有咩可以叫。 好快就有侍应不断催交台，好多嘢食唔切，不过餐厅都无浪费，看著她们将食了三分一的蔬菜蓝攞返入厨房，下台客会继续食埋它😁2个钟时间，超过一个钟先上火锅，啲野无预先set