表叔火鍋

营业中

休息中

约左老友一齐去食饭庆祝放假，我地突登黎呢度食，因为知道又有刺身又有火㶽食，满足晒我地呢啲又钟意食冷盘又钟意食热辣辣野嘅人呢间吾系任食火锅，但我钟意佢食几多叫几多嘅Style，啲料系即叫即整。我地一行三人，叫左牛腩萝白汤底，有惊喜个汤底好多牛腩，仲要好重牛味，简直可以用黎送饭食，而且有好多萝白，冇筯。我好钟意食萝白，尤其打边炉啲萝白好鲜甜另外刺身有亮点，甜虾好大只好鲜味，三文鱼劲厚身，啖啖肉成盘刺身好丰富，卖相好靓我地叫左几样火锅配料：肥牛、响铃、手打四宝丸同埋杂菜等。肥牛好厚身而且嫩口，我个人觉得都几重牛肉味，仲好有口感！响铃系餐厅即叫即炸的，比起出面较为厚身，一样好味，而且口感丰富！四宝丸有惊喜，尤其系虾丸，入面真系淡淡虾肉，超弹牙！所以一定要食！我哋仲叫咗圣子，大大只，而且好厚肉，食落好鲜甜，劲爽口，我最钟意就系食呢个！超推介我哋仲叫咗西瓜汁饮，完全冇加水，系纯西瓜汁，一边打边炉一边饮，好清爽！店主仲好好送埋西瓜俾我哋食，所以呢餐饭好满足！