影片
更多
2023-12-30
6367 浏览
早两个月嘅时候有朋友就嚟要移民，问佢走之前想食啲乜嘢，其中一样讲起嘅就系鸡煲/打边炉！🍲 而咁啱我哋都无食过「家嫂」，就决左book位试试佢😛 除咗有鸡煲同边炉，仲有刺身船+任食海鲜！净系睇餐牌已经够吸引～ •🥢 环游海鲜火锅放题 $428/位 (晚市)📸 季节当造刺身刺身唔系任食嘅，只会上一次～ 因为我哋得4个人食，所以就系一盘～ 同场有见到其他枱多人食就有只成张枱咁长嘅刺身船🫢 不过其实刺身款式都算多：油甘鱼、三文鱼、帆立贝、大虾、北寄贝、八爪鱼同埋一碟辣辣哋嘅腌鱼生（有啲三文鱼粒、八爪鱼、青瓜、芝麻同埋蟹籽）～ 刺身质素都唔错，解冻得好好，而且切得厚薄适中～特别一赞原粒上嘅帆立贝，好厚好大粒😛P.S. 之后睇返人哋食嘅相，刺身款式好似都会随人数而增加，人少好似无咁抵🥹•📸 精选𠮩𠹌小食食完刺身，一下子就嚟咗7款小食😯 黑松露虾多士、红糖糍粑、麻酱螺肉沙律、上汤杂菌、麻辣宽粉、麻辣花生，同埋一碟好似翠玉瓜但原来系青色嘅茄子🍆钟意食麻辣嘅朋友都觉得麻辣两款几惹味，但宽粉𠮶碟就入味啲，而且宽粉好q弹～ 炸嘅两款都炸得干身唔太油，但红糖糍粑就较有惊喜😛 表面脆脆哋，入面好烟韧，再加埋个
而咁啱我哋都无食过「家嫂」，就决左book位试试佢😛 除咗有鸡煲同边炉，仲有刺身船+任食海鲜！净系睇餐牌已经够吸引～
•
🥢 环游海鲜火锅放题 $428/位 (晚市)
📸 季节当造刺身
刺身唔系任食嘅，只会上一次～ 因为我哋得4个人食，所以就系一盘～ 同场有见到其他枱多人食就有只成张枱咁长嘅刺身船🫢 不过其实刺身款式都算多：油甘鱼、三文鱼、帆立贝、大虾、北寄贝、八爪鱼同埋一碟辣辣哋嘅腌鱼生（有啲三文鱼粒、八爪鱼、青瓜、芝麻同埋蟹籽）～ 刺身质素都唔错，解冻得好好，而且切得厚薄适中～特别一赞原粒上嘅帆立贝，好厚好大粒😛
P.S. 之后睇返人哋食嘅相，刺身款式好似都会随人数而增加，人少好似无咁抵🥹
季节当造刺身
135 浏览
1 赞好
0 留言
•
📸 精选𠮩𠹌小食
食完刺身，一下子就嚟咗7款小食😯 黑松露虾多士、红糖糍粑、麻酱螺肉沙律、上汤杂菌、麻辣宽粉、麻辣花生，同埋一碟好似翠玉瓜但原来系青色嘅茄子🍆
钟意食麻辣嘅朋友都觉得麻辣两款几惹味，但宽粉𠮶碟就入味啲，而且宽粉好q弹～
炸嘅两款都炸得干身唔太油，但红糖糍粑就较有惊喜😛 表面脆脆哋，入面好烟韧，再加埋个红糖馅唔会太甜👍🏼
麻酱螺肉都好食，螺肉好弹牙，但就有啲太多酱🫢食得多有啲腻～
小食都可以逐款追加，不过因为我哋惊食唔到之后嘅嘢就无追加到了🤣
精选𠮩𠹌小食
57 浏览
0 赞好
0 留言
•
📸 惹味鸡煲
鸡煲我哋就叫咗小辣，对于食开10小辣米线嘅我嚟讲，食咗几啖就食唔到🙈 呢到嘅鸡煲同平时出面食嘅味道几唔同，呢款唔系麻辣味，食落好似无咁惹味😬
鸡方面份量系多，但都偏向多骨😕 但特别啲就系有弹牙索汁嘅猪皮同埋蚬～
我哋一人食咗几嚿就放弃咗，侍应就帮我哋将啲鸡倒落只碟到，然后换过个火锅汤～ 不过其实最后碟鸡都系无食返🤭 因为后面嘅海鲜同边炉先系重点！
惹味鸡煲
73 浏览
1 赞好
0 留言
惹味鸡煲
59 浏览
0 赞好
0 留言
•
📸 四季汤底 - 家嫂花胶老火汤底
呢个汤底要提早预留嘅，因为我喺WhatsApp订位，侍应会喺当日再确认出席，然后佢就会问要唔要加钱预留是日甜品/海鲜，同埋仲可以预留唔使另加钱嘅花胶汤底！不过就数量有限，先预留先得～
花胶汤底有莲藕、红萝卜同埋每人一件嘅花胶！汤底饮落鲜甜浓郁，而且有肉香，无乜味精味👍🏼我哋都每人饮咗一至两碗先开始打边炉！🤤花胶都唔细块，发到好腍，而且无腥味😛
家嫂花胶老火汤底
103 浏览
0 赞好
0 留言
•
📸 环游海鲜船
当日嘅海鲜款式都几多：鲍鱼、贵妃蚌、珊瑚蚌、蛏子、蚬、虾、鱿鱼、带子、墨鱼滑酿菇同埋两款鱼～😍
海鲜整体都好新鲜，而贝壳类都唔会食到有沙～ 我哋就特别encore咗两次鲍鱼、贵妃蚌同珊瑚蚌！👍🏼 要记得睇住时间捞起啲海鲜，如果唔系就会韧晒🫢
环游海鲜船
106 浏览
0 赞好
0 留言
环游海鲜船
85 浏览
1 赞好
0 留言
•
📸 极上牛肉 / 豚肉卷 / 手工火锅配料 / 蔬菜组合
牛肉同猪肉都各得1款，牛肉就系普通肥牛咁😂
火锅配料嘅选择就相对少啲，都系手打丸同饺子为主，另外仲有个「笼」装住嘅鱼皮同响铃～
蔬菜种类都有唔少，但一次过上一堆菜有个唔好处就未必样样都啱食🙈 不过食过好食都可以再个别追加～
•
📸 饮品
自助饮品区除咗有罐装汽水、果汁、乌龙茶，仲有啲应该系自己制嘅饮品，例如竹席茅根、苹果雪梨茶、红枣圆肉杞子茶、柠檬薏米水等～
另外仲有侍应会推住架车仔，入面有各式各样嘅红白酒，有免费嘅红白酒任饮，但靓啲嘅酒要当然要另外加钱啦~
张贴
