三原 (已搬遷) 新店位置

今晚去三原鐵板燒。原來大廚以前係日本駐美國芝加哥領事館擔任首席家廚。螢光魷魚入口鮮甜日式蒸蛋蛋漿好滑。西冷油花好靚燒好後加埋配菜同食，入口油香十足北海道銀鱈魚朴葉味噌燒上檯，銀鱈魚肉既魚油飽滿，食落油香滿口，再沾上味噌更可突出魚油香。輪到香燒原隻大海虎蝦跟意粉，意粉吸收左大蝦汁更惹味，蝦肉亦彈牙。燒好既特選宮崎A４和牛西冷肉質粉嫩而外面香口，而油香同肉味都令人好滿足。蒜蓉炒飯米粒分明，而炒飯雖然冇乜其他配料，不過飯香已夠吸引。布甸同意大利芝士蛋糕都可以一吃。 食鐵板燒一般都去市區，而家係將軍澳都食到似樣既出品。