影片
更多
2024-10-23
1785 浏览
呢晚我同老公喺太子，我心血来潮好想食意粉，想起酒吧街有几间餐厅几有情调，就行过去望吓。.经过呢间 The Site Cafe，我俾佢英伦酒吧装修风格吸引住，因为我好钟意英伦style🤩 见到menu有set dinner for two，食物种类几啱食，平日6:00pm咁早就已经有几台食客，心谂应该唔会差挂？就拣咗食呢间。.Set dinner for two 有前菜（3拣2）+ 主菜拣1款 + 意粉拣1款 + 甜品1份 + 饮品2杯，好丰富。前菜我哋拣咗：蟹肉牛油果他他、白酒龙虾汁蓝青口主菜：香草煎羊架拼芦笋意粉：香煎虎虾配龙虾汁意粉甜品：呍呢嗱雪糕配开心果仁及脆饼+ 咖啡汁饮品：橙汁、Mocha.蟹肉牛油果他他 —上层有好多蟹肉，下层牛油果他他有落柠檬汁，酸酸地配牛油果几夹，再配埋碟面嘅黑醋酱，食落有几种味但好match！呢碟前菜好有心思。.白酒龙虾汁蓝青口 —呢道菜好有惊喜！因为个白酒龙虾汁超好味！我第一次食青口会饮晒啲汁😆 我钟意佢白酒味挥发咗，无酒嘅苦味，个汁好好饮；而蓝青口好厚肉，有鲜甜味，配埋龙虾汁食真系好正。.香草煎羊架拼芦笋 —羊架好出色！羊肉好嫩滑，有炭烧香味，又有
.
经过呢间 The Site Cafe，我俾佢英伦酒吧装修风格吸引住，因为我好钟意英伦style🤩 见到menu有set dinner for two，食物种类几啱食，平日6:00pm咁早就已经有几台食客，心谂应该唔会差挂？就拣咗食呢间。
.
Set dinner for two 有前菜（3拣2）+ 主菜拣1款 + 意粉拣1款 + 甜品1份 + 饮品2杯，好丰富。
前菜我哋拣咗：蟹肉牛油果他他、白酒龙虾汁蓝青口
主菜：香草煎羊架拼芦笋
意粉：香煎虎虾配龙虾汁意粉
甜品：呍呢嗱雪糕配开心果仁及脆饼+ 咖啡汁
饮品：橙汁、Mocha
.
蟹肉牛油果他他 —
上层有好多蟹肉，下层牛油果他他有落柠檬汁，酸酸地配牛油果几夹，再配埋碟面嘅黑醋酱，食落有几种味但好match！呢碟前菜好有心思。
.
白酒龙虾汁蓝青口 —
呢道菜好有惊喜！因为个白酒龙虾汁超好味！我第一次食青口会饮晒啲汁😆
我钟意佢白酒味挥发咗，无酒嘅苦味，个汁好好饮；
而蓝青口好厚肉，有鲜甜味，配埋龙虾汁食真系好正。
.
香草煎羊架拼芦笋 —
羊架好出色！羊肉好嫩滑，有炭烧香味，又有羊膻味！我好钟意食羊，觉得啲羊要够膻先好食😍 出街食羊架，好少会食到有羊膻味，所以呢度嘅羊架真系有惊喜！🤩
碟上有埋黑醋汁及蜜糖芥末酱，沾埋一齐食都好夹。
而伴碟的配菜有芦笋及车厘茄。芦笋粗身但好爽口，无渣，亦出奇地好甜，一啲苦涩味都无，好食；
车厘茄好鲜甜多汁；虽然系配菜但一啲都唔求其。
.
香煎虎虾配龙虾汁意粉 —
呢个龙虾汁好好味，见到酱汁当中有好多细粒虾肉，应该系落埋虾肉一齐煮呢个汁，所以个汁有鲜甜味👍🏻
意粉煮到好弹牙，做到挂汁；
而虎虾有4大只，煎到好香，好新鲜爽口。
.
呍呢嗱雪糕配开心果仁及脆饼+ 咖啡汁 —
呢个甜品好出色！我哋以为跟餐嘅甜品都系普通蛋糕仔一件，或普通一球净雪糕。
估唔到佢呢碟雪糕咁有心思！
呍呢嗱雪糕有开心果仁碎喺面，仲配有4块脆饼俾你沾雪糕食；更有咖啡汁另上，有得自己落咖啡汁。
呢碟甜品好靓、好味又有满满仪式感，我哋食得好满足😋
.
橙汁、Mocha —
我杯橙汁唔会太甜太酸，仲有一片心形橙肉，好可爱😆
我老公杯Mocha 好好饮！咖啡及朱古力味都好出，两者好平衡，唔会太苦或太甜。
.
好开心揾到间咁出色嘅西餐厅，下次再嚟试埋其他菜式先！😋
张贴
